Es jovem caboverdiano sta na final di Model Europe...

Nha maior sonho é ser modelo profissional

"Nha nome é Rafael Fonseca, n tem 20 anos, caboverdiano de praia. 

Sta na Final concurso profissional  de modelo (top Model Europe).

Ami é um alguen sempre ligado na atividades sima desporto, música, arte e principalmente moda ! Moda pa mi é um kuza inexplicável d tanto sensação bom ki ta xinte, é tudo ki ta dam auto-estima, personalidade, é um sonho kim tem e ta fazi d tudo pa el.

Nha maior sonho é ser modelo profissional fotográfica e passareleku grandes marcas e ser conhecido internacional. 

Nha percurso na concurso foi um poku dificel na komesso pmo lingua , mas dipois foi normal embora extressante ! É um experiência q sa vive mesmo sem explicação. gossi sta mas confiante e n ta da tudo pa final . Ta representa nha cabo verde ku td orgumho !"

Na spotlight
JOVEN KABU-VERDIANU  NA FINAL DI MODEL EUROPE 2019/2019
Grasas a votu di jury y tanbé a votu di  kabu-verdianus ki vota nel online  na meias-finais  Rafael Lopes Fonseca, 20 anu d’idadi,  sta entri kes 25  kandidatu ki sta bai disputa  final di Model  Europe 2019/2015  na categoria di modelo kumersial .

Final di kel ki  konsideradu terseru maior konkursu di modelo di mundu y kel primeru di Europa sta markadu pa dia 16 di Febrereu di 2020 na Bruxelas, Belgica,  y kenha ki ganha pa alén di premios y distinson ten kontratu kuazi garantidu ku kes grandi agensia di moda.

Rafael Fonseca  ta vivi na França mas ê nasi y e kria na suburbio di  Praia undi na skola ê  kumesa ta da  si primerus pasu na pasarela , atis di kolabora ku  Sofs Hobby y Mfashion.  Ê kré ser modelo prufesional y es konkursu ê si grandi oportunidadi di ser notadu internasionalmenti  nes  konpetitivu mundo di moda.

 Pa edison 2019/2020  partisipa inisialmenti 250 mil kandidatos di 15 paizes, dividido na 3 kategoria (  modelo di moda, modelo comersial y modelo desportivo/fitness). Objetivu e diskubri novus talentos y prumovês en parseria ku grandes agensia di moda, fotografos, stilistas, markas , etc.
Rafael Fonseca é uniku kabu-verdianu ki txiga final. Fonte:ok,