Mudjer ka rezisti y maridu sta internadu
Kazal kabu-verdianu sofri asidenti di karu na Merka
MUDJER KA RIZISTI Y MARIDU sTA INTERNADU ...
Mudjer ê Dawn Silva Rodrigues, 42 anu y más konxeddu pa “Dona” y maridu ê Alino Rodrigues, 47 anu y natural di ilha Brava ( foto)
Sabado pasadu Dona ku Alino sta viajaba di karru di Brockton undi es ta mora pa Taunton kuandu pur volta di 7 y meia di noti un Chivrolet Silvedado di kaxa aberta sai di si faixa di rodagen na strada 138 na sidadi di Rhaydan y bai bati di frenti nas ses Ford.
Na inpaktu tantu Dona komu Alino fika feridu y es tudu 2 lebadu pa hospital mas infelismenti Dona ka rizisti y ê morri nes mesmu sabado num hospital di sidadi di Taunton. Alino lebadu pa un hospital di Brokyon ku ferimentu gravi sima relatorio di polisia ta fla mas pra já inda ka divulgadu publikamenti ninhun informason sobri si stadu di saude.
Asidenti inda envolvi un terserru automovel ki es karrinha bai kai riba del dipos di rabida mas ningén más ka fika feridu. Kondutor di Silverado, un rapaz di 18 anu, lebadu tribunal es segunda-fera akuzadu di homisidio kulpozu pur konduson neglijent mas ê libertadu ku ordi pa ka guia ti ki ê volta pa tribunal na dia 28 di Janeru.
LUTU NA PAWTUCKET..
Fidju di kabu-verdianos, Dawn ta viveba na Brockton mas ê nasi y ê kria na sidadi na Pawtucket undi ê dexa amigos ku familia ta txora si morti. Ê ka tinha ninhun fidju mas e staba na prusesu di manda buska fidjus di si maridu ki sta fora.
Pa Dona ( sima karinhozamenti ê ta txomadu ) un iternu diskansu.
Pa Alino rápidas melhoras y forsa ku koraji nes mumentu di dor.
Pa kondutoris na volanti un espesial atenson nes altura di anu y prinsipalmenti pa ka mistura bebida ku konduson... Si bu bebi ka bu guia (si bu ka teni ningén pa guia pa bó toma un taxy ou txoma UBER ) y ora ki bu sta guia ruspeta senpri kel limiti di velosidadi. Ê podi salva bu vida y ê podi salva vida di otu algén. Fonte:ok
MUDJER KA RIZISTI Y MARIDU sTA INTERNADU ...
Mudjer ê Dawn Silva Rodrigues, 42 anu y más konxeddu pa “Dona” y maridu ê Alino Rodrigues, 47 anu y natural di ilha Brava ( foto)
Sabado pasadu Dona ku Alino sta viajaba di karru di Brockton undi es ta mora pa Taunton kuandu pur volta di 7 y meia di noti un Chivrolet Silvedado di kaxa aberta sai di si faixa di rodagen na strada 138 na sidadi di Rhaydan y bai bati di frenti nas ses Ford.
Na inpaktu tantu Dona komu Alino fika feridu y es tudu 2 lebadu pa hospital mas infelismenti Dona ka rizisti y ê morri nes mesmu sabado num hospital di sidadi di Taunton. Alino lebadu pa un hospital di Brokyon ku ferimentu gravi sima relatorio di polisia ta fla mas pra já inda ka divulgadu publikamenti ninhun informason sobri si stadu di saude.
Asidenti inda envolvi un terserru automovel ki es karrinha bai kai riba del dipos di rabida mas ningén más ka fika feridu. Kondutor di Silverado, un rapaz di 18 anu, lebadu tribunal es segunda-fera akuzadu di homisidio kulpozu pur konduson neglijent mas ê libertadu ku ordi pa ka guia ti ki ê volta pa tribunal na dia 28 di Janeru.
LUTU NA PAWTUCKET..
Fidju di kabu-verdianos, Dawn ta viveba na Brockton mas ê nasi y ê kria na sidadi na Pawtucket undi ê dexa amigos ku familia ta txora si morti. Ê ka tinha ninhun fidju mas e staba na prusesu di manda buska fidjus di si maridu ki sta fora.
Pa Dona ( sima karinhozamenti ê ta txomadu ) un iternu diskansu.
Pa Alino rápidas melhoras y forsa ku koraji nes mumentu di dor.
Pa kondutoris na volanti un espesial atenson nes altura di anu y prinsipalmenti pa ka mistura bebida ku konduson... Si bu bebi ka bu guia (si bu ka teni ningén pa guia pa bó toma un taxy ou txoma UBER ) y ora ki bu sta guia ruspeta senpri kel limiti di velosidadi. Ê podi salva bu vida y ê podi salva vida di otu algén. Fonte:ok
COMMENTS