Hoje nsa li obrigada a tranca matrícula, ku primeiro semestre feito mas ta fica perdendo.
"Ola boa noite.
Primeiro n'kre fica anônimo.
Hoje n'sa bem conta um pouco de nha strória e n'ten certeza me ka singular, txeu ta identifica se ka de sés vida k sa falado.
Bom é o seguinte, ami é um jovem de 23 ano, estudante universitário, nsa na 3°ano de curso, n'ta estuda na unipiaget.
Ami n'termina 12° ku 17 ano, sempre n'fui dedicado ku nha skola, dipos k n'termina n'ka konsigui bolsa, ntem 2 ano ta trabadja pam consigui entra universidade, n'kori traz d tudo mundo ta pide apoio único Cuza Kim konsigui foi porta na Carra. Hoje nsa na mesmo situação, nta trabadjaba na um kioski, ku aprovação de nova lei do álcool que entra em vigor na dia 5 de outubro n'fica dezenpregado, nka konsigui paga nhas propinas des de mês de outubro.
N'bai concore pa concurso nacional de bolsas de FICASE, sabendo ma mi ultimo mês k n'recebi foi mês de setembro 10 mil escudos, que ca é num dinheiro, mas na um país umde ke emprego pa jovem sta só na boca de governantes é ta distranca boita, n'panha kel dinheiro ntra tudo ducumento pam concore, nka selecionado pamode ma nka poi nha rendimento bruto, sabendo ma na carta n'dexas bem claro ma nsa desempregado, me kel tristi tistom k ntinha, ma n'dexa de cumpra lanxe pa nha fidju, pam pode tra documento, ma mi nka teni num rendimento, mi nka tem ramo pega, nem familia pa djudam. Resposta kes dam ma ninguém ka ta vivi de nada, mi nsa vivi de nada, bu ta atxan pa porta Piaget ta pide buleia pamode nem 40$ pa otocarro nka teni, hora almuça lá skola nta da ma nka teni fomi pam ka ba fica ta xobexa minis.
Nkori traz de ministro de negócios estrangeiros, traz de ministro da cultura, ministra da justiça e do trabalho, presidente da república, primeira dama, presidente de câmaras de canto município, presidente de FICASE, DEGESC, IEFP, Deputados de PAICV, e munte otos, ke flam mes ka tem nada fazi ku nha caso, otus simplesmente ignoran, e munti flam mes ta pensa na nha caso dipos es ta dam resposta, di fora mês ki k n'txoma pa sés acessor ke flam ma nes momento mes ka sa marca audiência.
N'bai fala ku administradora de Unipiaget, splical ma nka sa konsigui paga, pam ka perde kel semestre li pmd nteni diciplinas tudo fazendo, nten nota n'dispensa na tudo, pe ranjam um estágio ho qualquer tipo de trabadjo, pe odja si nta pode konsigui algum deskonto, é flam ma nos tudo nu teni dificuldade, pam bai traz de governantes, me ka ta pode, nka tral de se razom, só ke 3 ano ta ingeta dinheiro na skola pelomenos pés serba mas empático.
Hoje nsa li obrigada a tranca matrícula, ku primeiro semestre feito mas ta fica perdendo. Nsa li ta pide pa tudo jovem pensa dreto antis de nu elegi nos governantes, hoje foi mi, manhan é bo, ho b família, diploma só kenha k tem padrinho ki ta konsigui, único direito e oportunidade ki nu tem dento nos terra é de aumenta estatísticas de jovem desempregado, e sem formação superior, dipos nu tem ki triça pa lenbi pa nu konsigui um visto, pa nu bai vivi como clandestino na strangero, na limpa txom de cada um, e que se nos governo tinha mas conta ku nos, nu ta serba alguem na vida, kes ka mesteba bai contrata strangero pa bem ocupa lugar de líder li, nos mé nu tem capacidade de mostra nos potencial, infelizmente, fidjo pobre, na cv, ka tem direito a diploma de licenciado, kel ki tem diploma fica kual só pa infeta stante"
COMMENTS