"Kasu Giovani sta toma um rumo preocupante li nes terra"

nu foca na pidi justisa

Dezabafu du dia, hoje nu ta traze es texto publicado pa artista China Mbs...

"Kasu Geovany sta toma um rumo preocupante li nes terra. 15 jovens mata um Cabo verdiano ê ka um nason ki matal não, nu foca na justisa pa fasedu, ago sa ta ouve exagero na aborda es tema sima ki nos é santu ou nos nu ka rasista, nu tem um grau di racismo elevado ku nos propi irmom afrikanus, tinda nu ta txomas di mandjaku. Se um berdianu namora um branca ha gaju ê da pizada isu mas a kelotu si namora um africana ha dje pega ku mandjaca. Ki es kuza ki sta kontisi nu toma lison, nu prendi trata nos pp irmom di um manera mas saudavel. Tudo povo tem dreto tem mariado, so ka nu skesi di tantos Caboverdianos ki ta bai pa portugal ta fase diabos e sapatos 2 dia ta txiga li rico nos me ki ta lambes bota. So ka nu skese ma momentos mas fudido di nos stória recente tipo erupsom vulcanika nu pidi sacor na portugal. Ê claro ki tem interesses sim, mas kal di nos ki ka intereseru? Otus kre pa korta relasom ku portugal, nu foca na pidi justisa pmd qq ser humano ê digno de justisa. Otus sa ta aproveita pa tra dividendos politico sima ke policia di cv ki sta na investigasom. E bunito um nasom ta djunta pa pidi justisa mas tudo ki é exagero ê condenavel imagina alguen fla mata português ki sta li pa tra cabesa pa da catxor, resta pa nu kontinua ta foka na justisa, mas ka nu bem da pa Santo pmd nos storia ku nos pp rasa ê ka flor ki si cheire, ago sima ta fladu redi social dja ponu jornalista sem curso, deputados sem elegedo, policia sem certificado. Ago resta pa nu pensa nos atitude ku nos pp irmom y so ka nu skese ma um Estudo feito a poucos tenpo ta revela ma maioria de Caboverdianos ka ta xinte como africano, si ka ta xinte africano quer dizer ki um bom numero sta xinte ma es ê mas português ki propi portugues. Bom dia pa nos tudo."