Ntive depressão desde criança até hoje nta lida kol
É o seguinte, á dias nhos poi um publicação de um jovem tá conta ke é foi violado pá se prof de inglês. N fica txeu xocada ku manera ki txeu alguém ta leva um assunto txeu sério como keli na brinkadera.
Ami n studa na somada entre 2004 á 2006 depôs kim sai de Scola de lá sempre um obi comentários de otos colegas que prof staba tá "botaba rapazes mó". Kela era expressão ki Minis tá usaba. Depôs ke nhos poi kel publicação n recorda de kes cusas kim obiba lá trás . Na altura n ka leba á sério porque prof era um prof sensacional.
Só ki kel storia de és jovem li bate ku tudo kes kim obiba. Nkre pá nhos pública Nha storia pamode Dja sta bom. Kel prof ainda é sta continua como prof e kel jovem ka foi sé único vítima.
Ami nsta revoltada pamode infelizmente n foi um vítima de abuso sexuais. Ka de kel prof. Mas quando ntinha apenas 7 anos e kela marcam e de ki maneira. Kel kusa lá marcam psicologicamente que ti hoje nta sufri. Ntive depressão desde criança até hoje nta lida kol, td através de o ki contice. Um agressor ka tá faze ideia de sofrimento ké tá provoca um criança pá resto de se vida.
Ntinha 7 ano na altura, nha mãe tá viajaba pá oto ilha sempre, nta ficaba ku nha pai e Nha irmã. Um dia nha vizinho ki inclusive era cumpadre de Nha pai abusa de mi. E ka foi único bes.
Mi era um criança e n atxa má era algum tipo demostração de amor , e tá screveba papelinhos e mi djam prendeba lê.
Más, quando nda konta de gravidade do ki el faze ku mi npassa tá tem txeu nojo de el e fugi del. Sempre é tá flaba mi ki o que passa era um segredo e que ninguém ka podia fica tá sabe.
N Fica ku ódio del mas ao mesmo tempo ku medo e vergonha de conta. Na nha cabeça de criança ku apenas 7 ano nta acreditaba má sim contaba nta trado fora de casa.
Sempre nta fugiba del e nem nka tá passaba pá unde nta odjaba el. Ti ki nbem muda de zona. N carrega kel cuza dento mi sem conta ninguém. Nsufre txeu pamode nka desabafa.
N passa tudu nha adolescência ku depressão e n penssa ti na tra Nha vida. Nta penssaba pamode ki mi é Si , mas nka tá fazeba ideia má kel agressão que era raiz de Nha depressão. Quando ntive Nha 1 fidjo ntive depressão pós parto ki foi muito difícil de supera.
Sempre foi difícil pá mi relacionamentos pamode n transforma na um pessoa txeu descunfiada, Sempre ku um murro.
Só agora ku 29 ano, depois de 22 ano ntive coragem de conta Nha namorado e Nha midjor amiga o ki passa ku mi.
Um agressor ka tá nem faze ideia mode ki apenas ums minutos de prazer pá és tá straga vida inteira de alguém.
Nta confessa depôs kim fala ku nha namorado sobre kel assunto li foi sima kim tra um carga grande kim karega pa 22 ano. Ka foi preciso fala txeu. Nu staba tá odjaba um programa ki tem um storia parecido ku di meu, e nka conssige segura emoção e kai na lágrimas e txoro. Fazem lembra de tudo.
É pergunta e n abre kol más nka conssige contal detalhes. Mas apenas pelo fato de flal foi grande ajuda pá mi , foi sima kim devide kel karga ku alguém.
Por isso kenha ki passa pá situação dês tipo ka deve sucunde é difícil más é midjor divide ku alguém.
COMMENTS