"Racismo poi lagrimas na Rostu nha Família"

Nha povo tem ispirito guerrero des di berço

(CASO) GIOVANI (RIP)*
Carta pa nha povo, de Helder Shmurda

Mesmo ki  és interam nha CORPO, nha alma inda ta continua ta luta na lado nha POVO.
Nbém di um terra undi na nós meiu senpre tém  Lugar pa kualker um, Ka inporta ORIGEM, ka inporta  COR,  ka inporta APARÊNCIA NENHUM.
Nós é pikinote mas nu tem  coração grande
Um coração xeiu de AMOR pamode hoji i senpri é kela ki nu ta dá VALOR
Racismo ki  intera nha corpo i interam sonho,
Si for possível  nu ta luta tudu dia
Racismo poi lagrimas na Rostu nha Família,
Djés contano menos  um,Ma Nós é capaz de mostra  mé ka maioria ki ta fazi pouco vira nenhum.

pamodi nha cor

Pamodi nha Cor és  teni nha falilia xeiu  di Dór
Hoji na lado nha povo nta luta pa mundo intero sta dentro di coração ku um só Amor

Lenço branco pa ses acto di violência
Lenço branco pa Racismo
Lenço Branco pa sinboliza kel ki nha povo kré
Perante és violência  nu ka ta cruza nós braços
Nu ta marcha lado a lado sem cansa
Nu ta marcha lado a lado na silêncio ku nós vóz i apenas barulho di nós passo

Nha povo tem ispirito guerrero des di berço
Mesmo ki nós arma é nós vóz hoji nu ta luta pa justiça apenas ku nós silêncio ...