Fans sa manda mensagem di força pa Willy Semedo...

Pior é ki si musica ka ta partilhado si

Nes momento ki artista Willy Semedo sa passa pa um situason delicadu, undi si momento intimu foi exposto na internet, y video sa ser partilhado di forma maldosa entre pessoas na rede social, varas pessoas dja reagi na facebook y otus rede, ta comenta sobre es video. embora txeu pessoas sa apedreja es artista ku komentarios maldosos, varios pessoas entra em contatu ku nos na mensagem, ta manda mensagem di força y ta fla ma es sta ku Willy y ma es ta kontinua se fan.

Nu ta dexa li algun texto ki txiga na nos...

"Willy Semedo Ka meste preocupa, é 7 dias de propagandas festa, Dja sta pmd nos ser Humanos pa isso que nu ta serve. Agora nu fica ta sabe ma quando um ser Humano qualquer faze algo errado
Nu sta ponta dedo e julga nu sta torna igual ou pior.
Dentro des Pandemia Willy Semedo Lança um SINGLE NU REZA mas pouco alguem kim odja ta comenta partilha da gosto. Nu decha de funda nhos próximo, Erra sta na cada segundo de nos vida
Cada um ta erra de um forma. Ou nhós pensa que nos tudo sta bem era de mesmo forma. Nu seja mas Humilde" - - Tainira

"Se alguém na bu vida ta partilha bu positividade ku memo rapidez kes ta partilha otus kuzas ka tinha problema nenhum 🤔🤔BERDIANOS GOSTA odjou pa baxu" - Osmar

"Cada um ta cogui kél ké planta, nhos continua ta partilha vidéo di Will Semedo. Pior é ki ses musica ka ta partilhado si porque nu tem um grande parcela ki adora disgracia dos outros. Muitos cria staba na si lugar mas cada um ta nasci ku si luz. Homi algum ka midjor, Mudjer algum ka midjor. Muitos tem podrici sicundidu mas adora aponta dedu.
Ouvi violaçon? Nao
Es é maior e donu di ses vida?sim
Entao kenha ké nos nes assunto pessoal?
Paxenxa povo serà ki ka tem algo midjor na vida di fazi di ki sta sempre na vida dos outros?
Ainda bem ké ka ku homi ké staba
Santo ka tem santinhas ka existe
Juizes ku juizas sem escola é nos ki tem" - Nelsoon

Varios fans sa partilha musica e fotos di Willy na dia, ta mostra suporte.