Na mudjer ka bu dadji

Dal kel abraçu pertadu, Ki ta mexi ku strutura de si korpu, Ki tá pol tá fazi de bu petu si portu seguru.

Ka bu dadji nel

Na mudjer ka bu dadji,
Pamodi el ka kreu pó bem ser si pai pó dadji nel,
Kriason si pai dja dal,
El kre pó ser si kretxeu.

Será kê,
Só bó ki konkistal?
Só bó ki gosta del?
Ki krel?
Entri tudu kes ki krel é bó kê skodji,
Má simé bu ta sinti koragem de dadji nel.

Dia ki bu pensa na dadji na mudjer,
Bu tem tudu direitu de dal um ramu de flor,
Dal karinhos, dal tudu kel ki bu sabi,
Má tá pol si kurason tá acelera,
E fazi si odjus brilha, kê kusa mas bunitu de odja.

Dal kel abraçu pertadu,
Ki ta mexi ku strutura de si korpu,
Ki tá pol tá fazi de bu petu si portu seguru.

Ko dadji nel,
Pó poi lagúas ta skorri na si odju pamodi bu dadji nel,
Mas poi lagúas tá skorri na si odju só de dá kel surrisu de alegria,
Ki tá mexeu na fundu de bu korason.

Si ka sta dá pá sigui pa dianti,
É midjor muda pagina de kadernu,
E skrebi novu kapitlu.

Si bu atxa homi tá dadji na bu mai, na bu filha, na bu irmã, na bu prima, na bu tia,
Kuzé ki bu ta fazi?
Ka bu fazi ku kelotu,
Kusa ki bu ka gosta pes fazeu.

Papa si bu atxa alguém ta dadji na bu mai, kuze ki bu ta fazi?
Nu tá tem problema gravi,
Ntom ko dadji na nha mai pa nú ka tem problema.

Na mudjer ka bu dadji

Diclécio Jair de Pina
01/08/2020