el desmaia primeira vez devido a asma e ataque de pânico
Jandira Fonseca, uza si página di Facebook pa faze es dezabafu...
"Ontem antes de meia noite, foi nha filha ki foi brutalmente agredida pa um agente da Polícia no Sal comando de Espargos. Sem motivo agente kis revistale quando ela pidi pa ser revistado pa um agente feminino, o agente exalta. El fulha nha filha na tchon frente caixa economica e frente cerca de 50 pessoas ki staba ta toma ses fresco na praça, na paz. Mas es leval esquadra, undi um sra agente revista e ka atchal ku nada. Mesmo assim es guardal ti hoje hora almoço.
Es ka prestal socorro quando el desmaia primeira vez devido a asma e ataque de pânico, inda es goza ku el. Depois de fica varias vezes inconsciente ná tchon es rezolve leval hospital undi el dadu calmante e oxigênio. Inda ka tchiga. El leval de volta pa esquadra e es injurial. Es fitchal num cela. Se corpo sta cheio hematoma. Kela ka pode ser..kela ka pode contissi na nos terra.
Hoje nha filha manhã bu fidjo.
Hj di tarde el teve de volta urgência pamodi dor na crânio e dor na braço. El ka sa ta consigui labanta brasu dretu. Manhã el ta faze raio x de cabesa e tórax. Dor di cabeça e di crânio sta forte dimas.
Obrigado Adilson Time Adilson Dos Santos da Cruz ki reage de imediato e hoje na se live permiti Mina faze se denuncia pa ka contissi mas ku otus jovens.
Obrigado pa otus orgaos de comunicason social ki tem coragem denúncia es tipo de situason. Cabo Verde di nos tudu. Policia ka sta li pa sota nao. Ka pa agredi. Policia é pa educa. Pa forma. Pa djuda.
A mi mae de Mina, nkre sabe pa ki.motivo tanta brutalidade de um homem fardado kum.menina de 25 anos num Praça em pleno luz do dia frente monti alguem, e continua na carro policia e na esquadra? Mina kre um explicason..mi se mae Nkre explicason..Nos tudu nu kre entende. Mina ta trabadja e ta paga se imposto sima tudu alguem. Enton é pa keli ki policia ta pagadu? Pa neutraliza pessoas sem mais sem menos? Nsta revoltado. Nsta escandalizado. Nsta triste.
... Alguem pa sai de casa pronto pa ba ti praça arreja cabeça, pa volta pa casa tudu massacrado pamodi um agente policial faze abuso de se farda?
Pamodi um agente policial Ka soube lida ku perguntas lógicas e triviais de um menina de 25 anos:
Pamodi ki sr agente kre revistam?
Porquê ki sr agente kre lebam esquadra?
Kuse kin faze?
Nsta detido? Nho sa ta levam pa esquadra pamodi?
Num acto de desespero e ja dentu carro policia, agente ta torna pertal algema. Mina fla kes policia ma ela ka bandido. Me sobrinha presidente de republica num.tentativa de apresenta se pessoa e acalma kel brutalidade e descontrolo de agente policial. Nada. Agente goza ku el.
Resposta a perguntas legitimad de Mina 0.
Resposta foi brutalidade.
Fulhal la pa tchon. Fulhal dentu carro.policia.
Algemal pertado ti ki dexa hematoma
Pol num cela
Dexal desmaia sem prestal socorro
Pol passa noti na esquadra
Um.menina ki.ka faze nada. Ela sai de se casa pel ba um praça sima um monti de pessoas ki staba la.
Nu kre justiça.
Nu kre entende pamodi keli ka ta da pa entendi.
Kel tipo de actuason na policia é imperdoável. Ka pode continua ta contissi.
COMMENTS