"Nfoi salvo pa milagre de Deus"

Tudo alguém ki fazem mal na passado, si algum dia es mesti, nta dás nha ajuda

DEXAM CONTAU NHA STORIA, pagina na facebook ta traze mais um storia...

"Bem... Nha nome é Luís, nteni 17 ano, más ki apesar de nha idade de menor, djan sufri txeu na vida.... Tudo começa desde nascença, n'  nanci prematuro, ku 1 kilo e pouco, nha mãe tive ki dam á luz, á base de cesariana, e  na época é tinha 39, quase 40 ano, ou seja era um parto de risco... 

Passado 1 ano e 10 mês algo trágico contici ku mi, nhas pais bai trabadjo, 1 de nhas irmon staba kh mi na casa... Staba tudo normal , nstaba ta juga bola ku nha irmon , más npidil pe fazem papa pmd ntinha fome... Na tempo ki é staba na cozinha, n'continua ta juga bola, até ki n'chuta bola e bola sai pa janela, n'fica triste e n'bai busca um mesinha pam controla n'ondi bola sta e pam dixi di baxo pam panha bola.... Mesa tinha rodas e na momento ki n'pui cabeça pa fora mesa rola pa traz e mi ku peso cabeça nbai pa frenti... Ou seja, ncai di 2° andar ku 1 ano e 10 meses di vida, nfica em coma durante 3 meses e na kel tempo nem médicos tinha sperança ma ntinha chance de vive.

És ta flaba nha pais ma nka ta vive, ou si nvive, nta serba cego, ou defeciente mental, ou cadeirante, enfim... E nhas pais td dia ta txoraba, más na fundo sempre ku sperança ma nta sobrevive... Até ki txiga um dia e um médica pergunta nha pai si el era católico e nha pai responde "sim" e entom médica pergunta si nha pai queria fazi um ultimo despedida di mi ku um batizado, então nha pai aceita... Tudo foi feito a pressa, até ki na igreja, na hora di batismo nconsigui abri odjo... Milagre di Deus existe,  nta fla nhos ku tudo certeza.... Hoje nka tem nenhum problema ki médicos flaba, mi é ka deficiente, mi é ka cego, mi é ka cadeirante, nta faze tudo, nha cranio foi fraturado ku gravidade, pmd  queda, ntem um placa na lado direito di cabeça pmd cabeça ratxa,  cabeça pa dentu tive troca de osso e sangue, pmd tudo dento del fica totalmente pilado....

Más tarde ku 7/8/9 anos n'fui atropelado pa carro más felizmente nada de grave ka contici, más nhos sabi modi ki ser humano é... Na altura ki n'entra pa adolescencia, mesmo em criança alguém ta julgaba mi, ta odjaba mi di lado, ta mandaba boca, e na adolescencia principalmente nfoi vitima de txeu Bullying, pmd mi era manco, até hoje, nka ta anda 100% bem, alguém ta flaba ma mi nka tinha capacidade di fazi kusas, ki na verdade nta fazi e nta fazeba ku perfeição, alguém ta txomaba mi di deficiente, ta txomaba mi di "cabeça quadrada" pmd kel placa ki nteni na cabeça teni forma di um quadrado... Enfim, tudo na nha vida staba péssimo, e nta txoraba tudo dia, ntenta suicidio munti  bez, até ki txiga um dia e n'percebi ki mi era alguém normal, ku alguns problemas ainda, más alguém normal, n'começa ta ignora munti kuza ki alguem ta fla, más não totalmente, pmd tem kuzas ki ti inda ta abri nha frida psicológica... 

Más ntoma um posiçom sobri nha vida, hoje nta apoia o maximo di alguém possivel na vida, seja ku qualquer problema na vida, seja problema psicológico, ku nha consedjo, seja problema financero, nem se for 5€ nta da, e nka ta cobra   nka ta julga, nka ta guarda rancor, ntem apenas amor ao próximo, tenta odja o máximo de alegria na nos mundo... Alguém salva nha vida, ku si suor, dedica meses, dias pa salvam, mi nta fazi um pouco diferenti más um simples gesto podi salva milhares de vida.... Tudo alguém ki fazem mal na passado, si algum dia es mesti, nta dás nha ajuda, pmd sima ditado ta fla "pa más ki otu alguém erra, ka bu dal mesmu troco, mostral ma bó é diferenti.." Hoje munti alguém ta tratam ku diferença, nta odeia kel gesto, pmd mi é igual a tudo alguém, apesar de nter um historia más ou menos sofrido ki kel oto alguém... Independentemente di tudo dificuldade na vida nhos acredita ma tudo é possivel, Deus sta djobi pa bo, hoje nsta studa pa n'ser empresário, mesmo assim ku munti alguém ta duvida di mi, más nhos valoriza vida, nhos reconhece nhos próprio valor, pmd apesar de munti defeito, munti diferença e munti dificuldadi tudo alguém tem algo unico, basta bu procura na bu interior.... Ka nhos julga, ka nhos guarda rancor, ka nhos despresa alguém, ama o proximo, fazi bó e oto alguém feliz, apenas ku um gesto e más tarde um paraiso sta sperau la di riba djunto ku senhor ki ta abençoau e ta fazi milagre.... Nka conta tudo mesmo, más n'conta o essencial...

Nta spera ma nha historia sirbi di motivação pa td nhos e ki td na nhos vida corri dreto...

Deus abençoa nhos td... 

Abraços e Beijos di Portugal/Sintra di um Português- Africano"