Na vídeo parci um Iphone i outros kuzas.
Es mensagem di um seguidora preucupado ku golpe ki sta dado...
Nkre deixa um aviso pa tudo alguém de Cabo Verde
A bocado npassa na um conhecida di meu k txomam i perguntam si nsabi fala inglês.
Nflal ma sim i el mostram um conversa k el staba ta tem k um mos.
Mos contactal a tempos na Facebook, fecebook falso, pamodi foto de pessoa na perfil e ka mesmo k sta papia k es nha conhecida. Na foto sta parci um mos cor claro, pode ser pakistanes, ku nome Sama. Bom 1º lugar Sama e nome de rapaz li de continente ao lado, nos vizinhos. 2º lugar perfil foi feito a pouco tempo, i djam sabi odja quando e falso.
Seguinte, mos dal numero, de Inglaterra, nconfirma na google. Es na ta fala mos mandal um vídeo ta mostra uns kuzas k el cria manda pa li pa es menina. Na vídeo parci um Iphone i outros kuzas.
Comedia ta começa a partir de momento k mos envia menina caixa pa li sexta feira, i txiga já hoje..... lembrando nhos ma kuzas de Inglaterra pa li ta leba 2 semana pa bem
Depois menina recebi msg de numero telefone li di cv, na um português traduzido na google 😃 ta fla ma caixa dja bem i menina tem k paga 30.000 conto pa liberado carga. Es dal numero ecobank pa transferência.
Menina ainda fla ma el ta bai la toma. Es pessoa flal ma e proibido bai la pessoalmente. 😛
De kel outro numero de Inglaterra príncipe encantado sta fla ma manda dentro caixa um munti de dinheiro pa es menina li i ka cre pa menina perde es valor.
De numero de li, pessoa dja ameaça txoma policia na menina se el ka paga pa encomenda 😃
Ami de numero menina ntxoma vídeo chamada.... é claro k ka atende...
Enfim minis, nhos deixa nocenteza
1º ninguém ka sta bem manda nada pa ninguém assim do nada
2º qualquer correio pa li ta mandado com numero rastreio e quando txiga alfandega ta notifica, pa bai busca i paga despacho la na es mesmo.
3º quenha ta usa ecobank e pessoal de li de lado Cabo Verde
4º ka tem ninguem na mundo k ta manda dinheiro pa correio na encomenda, caixa ou envelope.... tem k ser mesmo burro. Portanto já é outro mentira descarado
Tem pikenas k dja cai nes storia, um propi bai imprista 30.000 conto, manda dinheiro, fica sem encomenda, sem dinheiro, i ainda sta paga divida
Tem redes de gajos de costa de marfim, Congo, Gana, Guine, etc k ta fazi isso e muito mais. I x sta li Cabo Verde
Ami um pessoa convidam pam fazi voz di um pikena pam fala k homis pes manda dinheiro i ainda pam toma na nha nome. Kes grupo la ta cria perfil falso k fotos de outros pessoas, ta fazi passa pa mudjer, engana homi de mundo inteiro i na cv tbm, recebi dinheiro i vivi sabi. Es ta engana mudjeres tbm.
Por um lado nu tem bando de mudjer desesperada k ta cai na conversa de kes perfil falso k ta papia so kuza sabi i ainda prometi manda presente.
Por outro lado nu tem bando de lascadas i gulosas k sta atxa ma pai natal existe.
Npidi es nha conhecida pa fazi print de conversas i disponibiliza pa púbica, nka sabi se el sta bem fazi. Mas de nha parte aviso i consedjo sta dado
Boa semana pa tudo alguém, i nhos studa i trabadja invez de cori tras de poti de ouro
COMMENTS