Carta aberta de Socrates Sucá pa Primeiro-Ministro, José Ulisses Correia e Silva & Vice Primeiro-Ministro e Ministro das Finanças, Olavo Correia
Na dia 3 de outubro, Socrates Sucá, fazi es dezabafu na si pagina di facebook...
Ex. Sr Primeiro-Ministro, José Ulisses Correia e Silva & Vice Primeiro-Ministro e Ministro das Finanças, Olavo Correia
Cu extrema revolta que n sta escrevi nhos es carta de pedido socorro...
Pedido k n sta fazi nhos e ca so pa mi não e pa tudu Caboverdianos que ta vivi de musica e entretenimento que pa lembra nho midjor n ta descreves li de baxu:
- Cantores, musícos, dançarinos, Djs, Barmens, Seguranças, tecnicos de Som, Iluminaçon e montagens de Palco, empresarios na area de logisticas de eventos, promotores e produtores culturais, entre varios outros trabalhadores que ta trabadja ou depende de eventos.
Sima dja nhu odja nu ca pocu k sta nes lastima de 18 meses seguido ta sacrifica sem trabadja no intuito de ca poi em causa saude publica.
Ncre fla nhô ma nu sta xinti enganado e desprezado pa Governo de Cabo Verde sem nenhum respeito pa es classe que ta contribui txeu pa economia de Pais.
Ncre fla Sr 1° Ministro pa es classe ca sta xinti representado pa ministerio que devia staba ta defende e apoia agentes culturais e que muito pelo contrario, e sta dispreza es classe. Sim n ta dexa li mas claro inda pa fla ma Artistas e agentes culturais ca cre Abraão Vicente como tutela de Cultura pmd e ca ta respeita nem defende es classe. Artistas tudo cu medo fla pmd es ta ser mas prejudicado inda ses papia cuze kes sta xinti...
Nha pergunta é pmd k eventos usado como moeda de insentivo pa tomadu Vaccina e goci k Cabo Verde dja sta praticamente cu objectivo atingido dja nu dado costa e prolongado abertura ate dezembro?
Pamodi que agentes culturais ca ta informado de decições antecipado e ta dexadu continua ta faze planos e usa kes pocu ou nenhum recursos k nu teni pa agenda eventos e dpos riba de hora nu ta bem sabi ma afinal dja e ca mas outubro?
Pamodi que eventos culturais comercial que ta fazi economia movimenta e ganha pão pa varios intervenientes ca pode e nu sta li ta odja campanhas eleitorais promovido pa candidatos cheio de alguem sem mascaras, sem distanciamento e sem controle vaccina?
Ministério da Juventude e Desportos nhos ca pode permite pa locais desportivos ca ser aceite publico pa odja e apoia praticantes de desporto e permite que seja feito campanha cu aglomerações keli e hipocrezia e falta respeito dmas pa cu desporto na Cabo Verde.
Enfim é txeu cuza engasgado...
Srs Ministros empresas de Cultura e eventos dja dura caido pmd es pandemia e goci dja nhos ca interanu! Cu isso Cabo Verde sta perde txeu artisticamente pmd tudo kenha k pode emigra dja sta djobi se caminho de bai pmd es ca sta odja otu soluçon na Cabo Verde.
Por ultimo n cre fla ma kel post li ca pode ser relacionado cu Partidos politicos mas sim cu sofrimento de varios pessoas ignorado.
Aos sofridos sima mi, um abraço de força pa nos tudo que nu prendi uza nos talento e nos voz pa luta pa nos direito.
Assinado
Socrates Sucá.
COMMENTS