homi nunca en ka dexa dan um bejo
Nu encontra es conto na internet, nu ka sabi kenha ke autor, mas nu atxal interessante...
DENÚNCIA DUMA EMPREGADA DOMÉSTICA
Caboverdiana, do interior de Santiago, com 16 anos de idade, chegou à Cidade da Praia, à procura duma vida melhor, expõe a sua vida inti,ma , vivida na Capital.
Obss.
Escrita e desenvoltura intelectual, basei-se na historia duma vida vivida, imaginária na Capital.
Min en txoma Bibia Geraldina Mendes Brito.
Boa bunita, cabelo largado, cor Chicolati, nariz esticado, e filado, coxa di violão, mama gudjinha, pé 32.
Escola gó nha mãe ka dexan bai, homi nunca en ka dexa dan um bejo, ainda virgem, quase ta fazi 17 ano di Idadi, minininha alegre e mimada di nha mãe, ku nha Pai, Nené Mendes Brito, mas conxedo pa nhú (Nené). E de Priscila Mendes Tavares Brito, Conxedo pa naha ( Mendi).
En bem desabafa des donas di casa ki ta pensa ma alguem é catxor, ta atxa ma es ki ta controla mundo, es ke midjores alguém na face da terra, ser humano ka ta existi.
Dona txoma Dra, Auxilia Varela Rodrigues Fernandes, é ta trabadja parcem na Bca, sin ca engana é professora, ó enton ta trabadja na seguros! mim en ka sabi é na undi, pamodi é ka flan, só en sabi ma Dra. ka bali. Ce marido homi dreto manso ta txomal só di amorzinha, oras kin obi ta dan só gana ri , má nha guenti paxenxa...
Dona ta pagam 6 conto pa mês , en tem ki labanta 6 hora em ponto di palmanhã, cin atrasa 10 minuto, é ta somal, e ta discontam el na vencimento, cin quebra um copo, é ta soma, ci lixivia panha na ce ropa, di minis, ou di marido, é disconta, ci nha mãe telefonan, ke xinti krin, krin, guerra ta fitxa.
Dento casa en ka podi teni chinelo na pé, cin entra na casa di banho, credo, é ta cobam pior ki um catxor, Dona é tão ka bali! é mostran um lugar lá quintal pam ta xixi na bolça di plastico, pam ba poi na um contentor ki ta fica bera casa.
Um dia propi, Dona txiga é atxan na ce casa di banho ta xixi, é tran di lá, é fulhan lá quintal, en escorrega en cai, en da cabeça na txon, kin bira ta odja um monti luz dento d'odjo, dipoz di três a cinco minuto, en labanta di txon, é flan ba fica lá rua, hora ki bu bem na bó, bu tá entra. Passado 3 dia, dona txiga na casa, é atxan ku movel ligado na luz, mudjer grita, é grita, ainda por cima é panha nha movel é fulha, e é flan ma pobri, burra, besta, ka mesti tem móvel. Dan pena di nha móvel gó, pamodi nha movel era um Samsung , ki nha amiga trazeba mi la di Holanda.
Dona tinha raiba di nha móvel, dicel era um Samsung bedjo, en tinha nhas fotos di casamento kin baba, la Gil Bispo, na casa di nha amiga Xupeta, ki binha di holanda pa bem casa , fotos di nha mãe, di nha Pai Nene , nhas irmãs, Titita, ku Biazinha, nha fidjado Zezé, e Mulatinho, ki flaba ma é ta casaba ku mi.
Almoço é ka ta dan, café não, jantar não, ce fidja di 13 ano , ki ta guardan bocados di cumida.
Ce kuzas en ka podi mexe nel, entretanto, ce calcinha mi ki ta laba, é ta bai trabadjo só atrazada, ma é ta txiga na casa sempre na hora certa.
Dona ta briga ku mi pa nada, ta coba rixo ki vizinhos ta obi. En ka podi bebe ce agú, entretanto, cumida mi ki ta fazi, ma mesa ela ki ta poi, prato mi ki ta tra, mi ki ta laba na momento, pa ka fica resto di cumida, cima é ta fla, pa ka cria barata.
Ce marido txoma Sr. Manuel, é um homem bazofo, ma ka podi fala ku mi, kanta má djobem.
En ta lembra um dia Domingo, es binha di mar por volta di 5 hora di tardi , Sr. Manuel, dan boa tarde Bibi, Dona obi, é fica ta papia ti noti fitxa ku marido ,en fica mariado kin mi, en ka sabi kuze kin ta fazi. Segunda fera, Dona bai trabadjo volta di um quarto pa 8 hora, e Sr. Manuel, ta baba mas tarde, por volta di 9 hora, nes periode de tempo, Dona bem casa, é atxan ta papia ku Sr. Manel, mudjer café é ka toma, da senhor Manuel uma bafatada, homi cai la pa txon, minis odja poi ta grita. Ami Bibi nunca en ka odjaba nha mãe ku nha pai ta discuti, kanta má, pa mama da Nené bafatada. Sr. Manuel canto ki labanta di txon, é djobem ! Coitado dal vergonha... Dona ku Sr. Manuel, teve um semana ka ta papia ku companhero, coitado bai durmi la quarto di Matza , Matza fica na quarto cu Dona. Passados ques dias, Sr. Manuel bem num Domingo, ku três amigo pa casa, entrado bazofo, Boa tarde, ola tudo bem ? Dona fla ! Kuze ki nhos bem fazi na nha casa ? Um di kes amigo mas íntimo di Sr. Manuel, fla ma é cre um grogo, Dona flal, aqui não é nenhum botequim, se quizerem, eu vos sirvo um wisky velho. Kes três senhor ri, ri, ri es toma ces bebida, e dipos es bai. Kanto ki Sr. Manuel volta casa, guerra fitxa, minis sai corri, mi en corri, en bai riba na nha quarto, en xinta en txora, en txora, entretanto, di noti en poi ta sunha só ku kel guerra. Oto dia canto kin dixi, Matza filha di Dona, perguntan ? Pamodi ki bu ka ta djobi oto cau di bai trabadja ! En perguntal ? Bu tem pena di mi ? En flal má en ka conxi ninguém na Praia , e nem kau di fica en ka têm, é flan má é tem um amiga ki mesti um babá! En perguntal ? ma kuze ké babá ? É flan ma é alguém ki ta djobi minis piquinoti, en flal esta bom, pamodi mi ki ta pegaba nhas irmãos mas piquinoti. Lembram um bez kin pega na Benedito, en ka poi mon na costa, rapazinho bai pa frenti pa da cabeça na txon, filizmenti foi Deus ki ka dexa. Kanto ki Matza perguntan ! pamodi ki bu ka ta dexa nos casa, bu ta bai trabadja ku otu dona? Naquele momento lembram um dia ki mi ku Zilda, nu bai panha bosta di vaca, na ta rabida um bosta, en atxa uma sampé grandi di baxo di bosta, mi kel dia en fica só ta tremi, kanto kin txiga na casa, en conta mamã, é flan nha fidja femia, bu ka ta bai mas panha bosta baca pa cuzinha. Nené dja ranja um lugar ki teni lenha txeu, é fla ma el mé, ta fica ta busca lenha. Antis lembran també um dia ki nu ba panhaba lenha mi ku nha amiga Xiloca, nu atxa minis ta toma banho na cachoeira, ta cumi churasco, mangui e ta bebi pontxi. Xiloca kanto ke odja kel sabura, é flan pa nu fica ku kes mininas e rapazis, tinha um rapazinho atrivido, mi xintado na nha cau keto, ta odjas naquel sabura, kel atrividinho ta ficaba só ta trazeba mi um monti di ces cumida, ainda é fica ta flan, minina forti bó é bunita! Nu fica ku es, ti por volta di 7 hora di noti, en ta flaba Xiloca nu bai, é ta flaba mi, ná, nu fica mas um cuzinha. Kanto ki nu dexa kel grupo di miniss, nu bai djobi lenha, noti fitxa.... Na ta dixi rotxa Manelinho ,Xiloca estaba pa traz, é gritan ! Djan odja Xuxu. Nha guenti, en fulha lenha na txon, nu corri ti txiga casa. Mamãe fica preocupada ta pergunta, nha fidjo é kuze ki passa ! Nhos bem tardi nem lenha nhos ka trazi? Nené estaba detado moco ta ronca.
Na Praia, dipoz di 3 ano ku Dona, en começa ta gosta di Sr. Manel, el era um homem alto, cabelo preto, de barba sempre arranjada, olhos pretos fisgantes, nao falava muito e quando chegava em casa do trabalho, lavava as mãos, tomava o seu banho, perfumava, hhhii,, forti perfumi di Sr Manuel, era sabi, brincava com os dois filhos, viam juntos as notícias do País, e depois deixava os filhos verem a novela, e ia para o escritório ler alguns livros, entre os quais, um livro com nome de Chiquinho. Comecei a ver o Sr. Manuel com olhos de amor, mesmo no desespero e arrogância da Dona, já não me fazia centir a dor dum passado vivido, naquela compania de turbulência, arrogância desespero, daquela senhora. A minha emoção como pessoa, pelo amor, pela confiança adquirida pelo Sr. Manuel, já nada podia conter-me.
En ta lembra um dia kin pidi um praga pa dona. En labanta rosto pa céu, en fala ku Deus. En flal, ó Deus! Ami jovem, bunita, ta leba abuso na casa des mudjer, cima mi ! ta sofri des manera ! Pamodi ? Ó Deus nhu poi um carro da na ela, pé bai hospital.
Passado 4 anos dipoz, era dia 21 di Feverero di 19956 en obi só minis ta grita! Haaaaaa nha mãe ,hhhaaa nha mãe, mama dja lebado hospital, min fica keto, passado três dia, Dona ordena la di hospital, pam ta bai leba cumida , pamodi ela ka ta cumi cumida di doentis. En poi almoço pronto por volta di 12 hora e meia, en fla minis almoço dja esta.
Sr. Manuel panha carro é pom entra, é lebam na ce uma carro bazofo, é bá ta flan, li é txan de area, li é Gamboa, li é Cais, li é assistência, nu txiga na platô, ali é Igreja nossa Senhora da Graças, ali é Palácio undi ki guentis grandi di Portugal ta esta, lugar di presidenti da Republica, nu ba ta bai, nu txiga na Hospital Agostinho Neto.
Nha guenti! kanto mi ku Sr. Manel, nu txiga na kau ki guentis di osso kebrado ta podo, en ta odja dona ku furu pa riba, cama pali, cama pa la, guentis tudo ligado kum kuza branco, uns quebrado pé, otos cara, otos na máquina, cusa ki mi Bibi, nunca en ka tinha odjado na nha vida, medo dan. Na primero dia, Dona ki nu leba cumida na hospital, nada ka flan. Na segundo dia, mi ku Sr. Manuel, ta bai na quel uma carro, guentis tudo ta djobem, ami Bibi bazofa di cabelo largado, Sr. Manel, fica só ta djobem na perna, ku na mama, nu passa na kes mesmos lugares qui nu tinha passado, Sr. Manuel bira ta djobem, en fla dento mi ! praga mi Bibi, ki pidi, en bira ta djobi Sr. Manuel, dento dodjo també. Kanto ki nu txiga Hospital, na kau ki ta compoda osso, Dona dja estaba ta midjora, é fla, Sr. Manel, porque que não deixaste essa besta trazer o almoço sozinha ? O Sr. Manuel, respondeu, hhhhaaa, hhhaaaa sim, sim amanhã ela virá só . En fla dento mi, homi li gó é manso mé.
Tudo dia en fica ta leba almoço a pé. rapazis ora ki odjaba mi, ta txoman, en ka ta cudiba es. En bira ta bai faxi, en ta bem faxi, pam podi odja Sr. Manuel, antis di bai trabadjo, dipoz di almoço.
Di noti hora ki Sr. Manel, ta bai pa escritório, en ta estaba na cuzinha ta laba prato, é bira ta fala ku mi, ta perguntan: Então! Modi ki bu esta ? En ta respondeba el, sim en esta dreto, e o Senhor! tem saudades da sua querida Dona? Sr. Manuel responde: ó não, ó não, estou triste porque há uns dias que eu durmo sozinho. Responde a Bibi, Ó Sr Manuel, en tem pena di nhó. O Sr. Manuel, com aquele ar mancinho, a dar por tolobasco, disse a jovem Bibi, então me dá um beijo. A Bibi respondeu de imediato, Toma. Apartir desse dia, e com a Madame internada no hospital Agostinho Neto, Sr. Manuel e Bibi, conviveram como namorados, ou marido e mulher, durante a estada da Dona internada no hospital. Logo ki minis durmiba, Sr. Manuel ta binha atxaba mi li na nha quartinho na terraço. É bira ta dexa minis panha sono, é ta binha quetino, ku luz di escada tudo pagado, é ta txigaba e logo nu ta caiba na cama ta durmi, kuza bira todo dia. Na quel bai ku bem di noti, Sr. Manuel, kaba pa tran virginndadi, e, en fica grávida.
Dipos di 2 mês na hospital, dona ben casa, é txiga mancinha ka ta coba mas, ná, Dona bira ta txoman só Bibizinha, vem cá por favor, Bibizinha, obrigada, bira santinha propi. Dipos di 3 mês, barriga começa ta sai, en fla Sr. Manuel, ma en sa ta xinti ma barriga sa ta cria, é flan bu esta grávida, en ta dau dinhero bu ta bai casa bu mãe, guentis di fora dja sabi é modi kes ta dau remedi, bu ta tra ninino, di poz bu ta bem Praia, bu ta bem estuda. En flal sim: Passados três dia, Sr. Manuel bai trabadjo, vinti minutos dipoz é bem, en xiti carro estaciona na porta, é txoman, Bibi, Bibi, vem cá ! Kanto kin txiga na ce frenti é djobem dento mama, é longan 100 conto embrudjado num papel di cimento.
Era quinta fera volta di 4 hora di tarde, en panha nhas ropinhas en poi na um bolça, en bai la Fazenda, en entra num carro, conductor começa logo ta flan, abó é bunita, bu ka mesti paga pa bai fora, mas um bocado entra mas 8 alguem na carro pa trás, conductor poi odjo só na nha perna, ki fazem lembra Sr. Manuel. É flan ma ce atxa um meninina cima mi, é ta dan 3 baca, 5 cabeça di cabra, um casa ki dja cumpra la fundonzinho, e ma nu ta mora djunto. Na caminho é pará carro, é cumpra agú é dan, é cumpra sumo, bolacha, torema, en txiga farto. kanto ki nu ta passa casa di nha pelexa, cumadri di mama, ke dento nha zona, en fla conductor ki txomba Ady, um rapaz bazofo, mos dexan li, é flam, não en ta lebau ti casa, en flal, não, nha pai Nené, ka ta brinca !
Passado 3 dia, en começa ta conta nha mãe, tudo cusa kin passa na Praia, ki tipo di alguém kin atxa, kin trabadja ku el na Praia, modi ke ta trataba mi, modi ki Sr. Manuel, ku dona ta viveba, modi ki Sr. Manuel, tran virgindadi, modi kin fica gravida, nha mãe flan, nha fidja femia, nos é di Igreja católica, sempre nha mas grandi ta flaba mi, ma minino ka ta trado ; seja o ki Deus quizer, nu ta cria nos fidjo. Durante gravidez nha mãe ta daba mi tudo cusas sabi, cuscus ku mel, leti baca, kufongo, carni di tudo tipo e qualidade, é ta flaba mi ma mudjer gravida, debi alimenta bem, pa minino podi naci forti e sem doenças.
Passado 9 mês, Bibi pari um rapaz.
Guentis tudo contenti, rapazinho era bazofinho, ridor, Pai di Bibi nhú Nené, ki era tomador di ce grogo, má homi sabi, tudo alguém gostaba del. Um dia, um Segunda Fera, papa Nené labanta cedo ressacado, é fla, ó Bibi nu poi es nha neto, nomi di nha primo, ki txomaba Manel ! Manel ki bai estrangero, nunca ka bem! Bibi respondi... Papa bu divinha, ce pai txoma Manuel . Nene respondi, enton dexa nha neto kú nomi di Manuel. Bibi respondi, Papa, Dja esta. Festa um semana na casa, tinha Bodi, galinha, Carnero, fijon, grogo, campion na nascimento di Manuel. Mino ba ta cria, Nené ku nhu padri era amigos, Nene, pidi pa batiza rapazinho. Festa bedjo oto bez, tudo alguém cumi bebi, sabura na zona. Guentes ki bai batizado di Manel, ta ficaba ta comenta ; keli é Bibi ki bai Praia , djobi trabadjo, e bem grávida di rapazinho.
Bibi nunca mas ka bem Praia, amigas ta flaba! Bibi nu bai Praia, Bibi ta respondeba, ami Praia, en ka fica ku gana, ta lembran só Dona. Durante txeu tempo cabeça di Bibi fica sempre ta pergunta ela mesma, txeu cuzas, exemplo: Enta imagina dia ki dona Dra, sabi ma en fica gravida de ce marido Sr. Manuel ! kuze ké ta fazi? Passado um tempo, Bibi flado ma fidja di Dona ki txomaba Matza, ma é sai di escola, Bibi ka fica espantada, pamodi Matxa, dja tinha txomada ce mãe di ka bali, má , , arroganti, confusenta ku tudo alguem. Dona na ce trabadjo ta menosprezaba, conductores, empregadas di limpeza, técnicos, tudo alguém ki passa na ce frenti. Funcionários ta conta, ma ora ki dona ta entraba na trabadjo, alguém di ce Ministério ta ficaba ta tremi di medo. Matza, um dia flaba ce mãe, má é ka crê nada di mamã, mesmo qui vida ka correl dreto, e dia ki saiba di casa, pa Dona, ka procuraba sabi ce ta existi. Matza começa ta namora kun rapaz, es era di mesmo turma, é ta txomada Lindinho. Passado 5 mês, Matza bai vivi ku ce namorado Lindinho la ponta D Ágú, fidjo di nhú Zé di Mulatinho, um rapaz bazofo, malcriado e ki ta droga. Matza ku 16 ano di idadi tevi um fidjo matxo, rapazinho bazofinho propi, podo nomi di Zé . Passado 8 mês dipoz di nascimento di Zé , Matxa bira ta sai ku ce pai di fidjo Lindinho, pa Buates, noitadas e é bira ta fuma Xixa. três mês na quel vida di adulta djunto ku oto maluco Lindinho, Matza começa ta fuma crack. Matza ki era um menina bunita, começa ta magrici, ta desleixa, bira ta corri di amigas, começa ta bendi ce ropinhas bunito ki ce mãe ta daba ela. Matza bira disfigurada, qui bira ka ta conxedo. Matza era um minina cheia de orgulho, que mesmo na ce fraca pena, ce mãe um dia mandal lá ponta D Águ, através dum amiga, um envelope ku 15 conto, Matza ka toma. É fla amiga pa fla mamã, má mesmo ke doençe, e ké bai hospital ! ou ce morri ! pa mama ka djobel...Di mamã ma é ka crê nada.
Bida di Matxa, mininha bunita filha de supostas boas gentes, começou a desmoronar-se, a acabar-se, o quarto da Matza e Lindinho, tornou-se num infrno imaginário de viver. Um belo dia, a Matza menina linda e desfigurada, foi comprar droga para consumir, e o dono que chamava Sr.Fortinho, disse a Matza, que já não podia fiar mais, porque tinha uma divida de vinte e cinco mil de branca, e que o chefe Sr. Carlos, lhe tinha reprendido. Neste dia a Matza já não tinha como consumir a droga, desusperada, enforcou-se numa árvore em Achadinha Pires, noite a dentro, frente a casa de nha Banda.
O Irmão da Matza, rapaz muito parecido com o Sr. Manuel, cresceu sobre os olhares e desejos da mãe, mas não conseguia estudar, com 15 anos de idade, foi baleado por um amiguinho junto a padaria nhu benso em Achadinha meio.
A Dona, Auxilia Varela Rodrigues, conhecida por Dona, passados um tempo depois , morreu lhe a Mãe, o Pai, e depois de três meses, teve uma trombose, ficou paralisada da perna, da cara, do pescoço e acabou por morrer no H.A.N.
Dipoz ki Manuel fidjo di Bibi fazi um ano, familia manda Bibi pa frança. ku 19 ano di idade, Bibi podo na escola mas famoso di França ,na undi ki um ce prima lurdes , estudaba. Colegas di turma di Bibi ,tudo gostaba dela, amizadi pa Bibi era dimas, rapazis tudo tinha odjo na quel rosto bunita, alegre, cheia de vida. Bibi bai França , é vivi e convivi cu estudantes, ma ce pensamento era sempre na Sr. Manuel, Bibi ta conta ma tudo homi ke ta odjaba e ki tinha parcensa ku Sr. Manuel, ma é ta sunhaba di noti. Sufrimento ki Bibi passa na casa di Dona, ka dexal ku gana di exprimenta nenhum homi.
Passado 5 ano, Bibi era aluna ku midjor notas di ce escola.
Manuel fidjo di Bibi, na Cabo-Verde, era um dos melhores alunos di na undi ke ta estudaba lá fundonzinho Baxo.
Passados 12 anos na França, Bibi forma em economia, ku midjor notas di ce universidade. Um belo dia, Bibi ta passa na zona di chance Elizeth ,um lugar di txeu movimento di alguém na Paris, parci um Alemão cumprido, ka muto bunito, Bibi Estaba acompanhada kun prima ki txomaba Filomena, emigrante caboverdiana ta viveba na Alemanha, es Sr. Alemão ki txomaba Zeplin , fla Filomena ma ce prima é linda e bunita, Zeplin convidas um restaurante pas almuça , Bibi ka cria bai, Filomena flal nha prima dja gosta di bó ! nu bai...es entra na carro di Zeplin, Bibi fica pa traz, enquanto carro ta ba ta bai, Zeplin fica ta djobi na retrovisor, só pa undi ki Bibi estaba xintado. Kanto kes txiga naquele restaurante, tinha um monti di lojas, kuzas só bunito. Es fica ta sai di um loja es entra na um oto, na quel bai ku bem, Zeplin odja um fio di oro ki tinha nel um medalha kum imagem di JESUS CRISTO, é cumpra na momento e da prima Filomena, pa poi Bibi na piscos, Bibi ka cria toma, Filomena incisti, é poi Bibi el na piscos . Na quel almoço Zeplin manda bem cumida mas sabi ki podia tem na quel restaurante, bem pratos diferentes, dono di kel restaurante dja conxeba quém qui era Msr. Zeplin, cumida vai cumida vem, txiga hora da escolha do vinho, nes momento, Bibi ta conta ma é lembra di quel dia ki kes três senhores bai casa di Dona, e ki dona flas, ma é tem só Wisky Velha . Então bebida ki podo na mesa di Zeplin, Filomena e Bibi, era um Champanhe daques mas carro di França, pa gentileza, Bibi experimenta, é xinti um monti gosto; doci, margos, sabi, ka sabi, etc. Durante almoço: Bibi toma três copo, Filomena fica tradutora di Zeplin, di lingua Alemão, pa creolo. Almoço caba por volta di vinte horas da noite. Oto dia, Almoço num lugar ainda mas sabi, antis di almoço, Bibi lebado num gran magazine, ropa ba trocado, sapato tudo combinado, cumprado. Oto dia ki ta daba um Domingo, Zeplin convidas almoço na Alemanha, es bai aeroporto, na ta txiga, es mandado pa privado, Bibi ku uma sapato alto, lebado pa um a jato na pista 24. Na ta bai entra na avião, na ta subi escada, Bibi discorrega, pé intridja, mesmo assim es bai ces almoço la Alemanha. Passa mas sabi inda, como pé di Bibi começa ta intxa, Zeplin manda pos na um Hotel di kes mas fino da Cidade. Oto dia Bibi lebado Hospital mas bom di Alemanha. Passado três mês Bibi ku Zeplin casa. Bibi bem sabi ma Zeplin, era um dos homens, mais ricos da Alemanha, só depois di casamento. Na casamento di Bibi, tinha 3.000 pessoas, e festa começa kun semana di antecedência. Aos 31 anos de idade, BIBI e ZEPLIN Alemão, milionário, se casaram, e viveram juntos até a morte, com 75 anos de idade cada um.
Bibia Geraldina Mendes Brito, dexa um filha, hoj, milionaria na Alemnaha, é kré bem vizita Cabo-verde brevemente.
Senhora kré bem conxi terra di ce mãe, ta flado má filha di Bibi, é ainda mas bunita ki ce mãe.
Mundo é bemba.....
COMMENTS