txeu dinos nu sai Di cabo verde e ka pmd nu kre não é pmd lá kuzas e poco,
Bom dia nkria pá nhos publicaba mi és carta li.
Nta eskrebel na um kriolo baseado pá odja si és pode Intende.
Se nhos. Publica nhos poi nome so: um jovem imigrante
Carta pá sr. Governantes de cabo verde principalmente sr. Primeiro ministro ulisses Correia Silva é sr. Ministro das finanças olavo Correia.
MIi é um jovem imigrante cabo verdiano ki ta vive na Portugal ki ta manxi ta trabadja sima tudo ki sta li kada um na si area, nu ta bem pá estrangeiro busca midjor pá nu djuda nos família e tb investe na nos pais. Nu ta luta dento frios dendo sol, dento gelo, dento txuba, pá nu djuda nos família e automaticamente na desenvolvimento di nos terra.
Senhores governantes dja sta bom di disprezano, dja sta bom de brinca ku nos, txeu dinos nu sai Di cabo verde e ka pmd nu kre não é pmd lá kuzas e poco, nhos Sabi na base de economia de cabo verde e remessas de emigrantes ou seja me nós, mas mesmo assim nos valor caba na nada, tudo país ta insentiva ses imigrantes e cabo verde ta injúria dises.
Cabo verde é um país pobre di África ki ta vivi de ajuda internacional pá vivi, mas mesmo assim nhos kre poi nível di vida ki nem na Europa ku merca ka tem, um país ki salário minino e Di 13.000 mas estrangeiro ta paga na 8000 pá 12h trabadjo sakedo.
Um país ki ta maltrata kenha ki mas ta djudal I importa kuel.
Um país ki undi jovens ka tem oportunidade na nada, é gosi nhos kre Tra jovem ki sta fora de lá tb oportunidade e ses sonho di investe na si terra, ka basta tudo kel ki nu ta paga alfandega ki já é um exagero, nhos tive oudacia e corage de poi mas 200.000 escudo pá Tra um carro pá bu poi na bu terra pá bai discansa de bu trabadjo árdua é duro na estrangeiro, ku disculpa ma é pá promove carro eléctrico na cabo verde.
Senhor ! Nhos sabi canto kusta um carro eléctrico? Nhos Sabi kanto ta kusta um manutenção de kes carro? Dja nhos monta oficinas pá kes carro? nhos sabia ma kes carros lá tem ses oficinas e mecânicos próprios ki ta kusta furtuna rapara um fio ki disliga? Por acaso dja nhos monta posto de carregamentos di kes carro lá? Na um país ki nem electricidade pá casas ka tem ago nhos kre poi pá carro? Nhos kre ingana kenha? Ki jovem na cabo verde ki sta ku condições ki compra kes carro lá ke ka nhos Fidjos e nhos familiares próximo?
Mi é um jovem sima tantos otos ki nhos sta caba ku si sonho di um dia investe ou poi algum kuza na cabo verde, pmd vida lá sta mas carro ki na tudo país ki tem na mundo, e mas triste é ki nos é pobre e nada nu ka tem.
COMMENTS