Carter MC, jovem ki ta batalha di dia pa poi kumida na mesa y di noite pa poi musica na rua

Ku Nhas Sforsu I Diterminason Hoje Djam Teni Nha Propiu Produtora "Inkumend Music Group"

Si é ta vivi di musica? Talvez ainda nau, mas mé ka ta vive sem musica é um certeza, mais ki si propio existência. 

Si bu perguntado pa bu fla kenha ke Carter MC, respondi me um batalhador, uma amante di musica, um sobrevivente des tera di musica, undi ki txeu bes ta parsi me utopia, ki sta sempre na rua ta rabida bida y oras ke ka sta na rua bu ta atxal na studio ta skreve y compoi novas melodias. É atxa musica na casa, é tem musica nel mas ki agua y ar ou sangue ki ta kori na si veia. Si inda bu ka obil ou bu ka obi ta faladu del é pamodi sima musica é tem si onda y si mare, kada um na si tempo.

Recentimente atraves di produtora ke kria, "Inkumend Music Group", é da vida a um projeto ki ta reuni varios talentos di musica, Versos & Poesias, São Valentiny é nomi di ses primero tema

"Ep Indie a caminho Famílias" - keli é si recente postagem na rede social, ta anuncia xegada di novo EP, ke ta da nomi di "Indie", ou sima ta fla na Kriolu Indipendenti, é otu palavra ki ta discreve es jovem, ki sai di baxu tentu di si pais cedu, na prokura y labuta pa dias midjor. Nu ta recorda ma na 2018 é fazenu konxi si EP Inkumenda.

Carter MC skreve: "N'sta Txeu Ansioso Pa Mostra Nhox És Novo Projecto K Xta N'sa Fokadu Ta Work Pa Mi, Pam Inrekec Nhas Forma D Faziel. Mesmo Sem Apoio, Sem Kondison N'ta Fazel Pam Ka Ser Indipendent D Otus, Oh Sab Oh Fedi N'ta Fazi Nha Propiu Kaminhu Sem Txupa Pila, Sem Spera Pam Fazedu Kaminhu. 

Ku Nhas Sforsu I Diterminason Hoje Djam Teni Nha Propiu Produtora "Inkumend Music Group" Nta Fazi Nhas Propiu Gravason (NorthSideRecord)  & Nhas Video Clip (Inkumenda TV) Resta Só Fla Kes K Ta Suportan 1 Big Obrigado É Ka Txeu Pa Txeu + Mas Pa Nhox Bali Milhões ❤ I Pa Kes K Ta Fingi D Segu Nhox Kontinua Ta Mant Firmi Kin Sa Na Djob Kura Pa Nhox Prublema."