"Mi é um simples africano dento de nha tempo ta luta cu um sociedade qui ta mata e ta formata"

Mas triste inda É qui bu ta paga pa bu formatado

 Chinte bu natureza dento de bu casa

a bu volta é bo cu bó depós de bó

Sta bu consciência sta ensinamento de quêm qui dau luz, sta principios de vida , sta stilo de vida , sta hierarquia,  sta racismo, sta mistério qui ca tem esplicasão qui txeu di és ta tenta dal 

mas na fundo é so mintira mistério ta continua  ta ser mistério mesmo pa formatados e dominados pa sistema colonial imperialista racista

Chinte kel profundesa de amizade verdadero de kel quê realmente real, 

 de kel bom  ar ,

de  kel bento suavi 

 e di tudo existência bu intende vida na si verdadero significado.

Por isso go man 

 é midjor bu preocupa co chinte em vez de odja you 

pamodi Cusé  ?

Pamodi tudo kel co meste sta dento de bo.

Quên é mi ?

Mi é um simples africano dento de nha tempo ta luta cu um sociedade qui ta mata e ta formata , ta festeja

 

Mas triste inda 

É qui bu ta paga pa bu formatado na um cultura quê ca de bo , na um stilo de vida quê ca de bo na um lingua quê ca de bo na um história quê ca de bo e bu ta mostrado  um deus quê ca de bo inda és mé 

Quê doctorado, intelectual ? mestrado sabio ? intilegente de quadro ?  Cheio de conhecimento ?

No poi mo na consciência yo

Em nome de tudo quês qui escravizado corporalmente mentalmente  

Nunca no ca ta dexa de luta pamodi vida em si é um luta 

Prendi foca na ú quê de bo foca mas na bo 

Co limpa  casa de bu broda po dexa limpo 

e na de bo po dexa lama co aranha.

Quês Revolucionários qui luta pa sés cultura e pa sés povo pa ca ser dominado 

Es mata tudo ma ca no dexa sés ideia sés visão, e sés sacrifício fica em vão.

 Quês Grandes livros de ensinamento de vida fisico e espiritual és quema quase tudo, és camufla  quase tudo 

Quês qui bem co planta pa cura em vês medicamentos  

Moda  doctor sebi 

Es cala tudo és mata tudo 

Pa Cusé qui no sa vive you ?

E na unde qui no sa vive you ? 

És crê deprime pessoas co informação 

És crê mas sangue

Mas droga 

Mas dodo

Mas assasino

Mas violação 

Mas guerra 

E mas doenças 

Hoji em dia su ca da ninguém pé de apruveta na bo 

E su ca sta apegado na ilusão e na matrialismo  dês mundo bo é dodo, bo é um  lixo 

                           

Apenas go nhos prendi ruspeta  pa nhós ruspetado  pamodi Cusé ? 

 ninguém ca ta muda ninguém you 

Inta continua ta ser luz  perante tudo tipo de  tempestade 

Texto _ Hesalasy de Último Tempo.

stranho na um mundo stranho.