Intervenção policial na bairro de Safende deixa internauta contente

Oras qui policia ta fazi bon serviço nu das mural tanbe

 

David Gomes fez este desabafu: "Intervenção na bairro de safende.

Pa mi un di ques midjor intervençon fetu li na praia, graças a esforço de polícia.  Muito obrigado qui ca para pa li.

Pessoas ca ten noçon de bon trabalho qui polícia dja fazi li na capital, poriso umunti sta panha quel imagen li pa faze meme. Bandos de ingratos. Nu devia sa xintiba orgulho nos polícia envez de sta na fazi meme cu cuza cerio.

Parabens a tudo polícia qui staba nes operação, ta começa de ques de gabinete ti txiga na ques de terreno, muito obrigado pa nhos excelente trabalho 🙏✊ nhos mereceba un premio ou condecoração mas como nu sta na Cabo verde infelizmente cuzas é ca sima na otus país.

Qui nhos continua na quel mesmo linha la, ca da bandido folga, es sta mutu avontade nes terra, nhos precionas cada bez mas nhos pos nun beco sen saida, ca importa se adolescente ou joven ou homi maduro, bandido é na cadea.

Oras qui policia ta fazi bon serviço nu das mural tanbe, ca nu djobi so lado negativa pa nu crítica, existi policia de valor, qui ten merito na otu nivel devia ate ganhaba medalia de honra mas infelizmente nu sta na cabo verde, e existe policia qui sabi so straga nome de corporaçon cu si atitudes indesciplinar. Mas nu ca podi panha tudo policia pa nu fla ma ca bali. Policia é ser humano sima nos es ten mudjer es ten mae es ten fidju es ten irmon, tudo ta dexa mae, mudjer, fidju na casa pa ba corre perigo poriso nu reconheci oras ques ta fazi bon trabalho."