desabafu di SOS Mucco
Um artista ta alimenta de emoson e reconhecimento de ce publico, de entidades capacitado pa kela, e mi desde de criason de cvma e ce Primera gala na 2011, crian um brilho na odju, Crian um iluson k motivan a trabadja ku mas força pam txiga la e fazi parte de nos historia, de historia de musica de cabo verde e contribui tb ku nha gran de areia, que na verdade misson e ca ser grande sinou fazi musica de cabo verde ser mas grande e mi n acredita me cvma ki sta bem djudaba noz fazi kela.
Sem maturidade, sem profissionalismo sem técnica, n dexa kel objectivo la guardado e n foca na midjora cada dia mas, pa dia que txiga la pa ka ser de paraqueda nem ku ajuda de terceiros mas sim pa nha propi mérito
Na decorrer de tudo es processo de disciplina nha cabeça, txeu agua corre baxu des pontu e munti cusas contice, n prende controla nhas emosons e intende ma nem sempre cusas ta contice pamode nu cre, mas sim ta contice pamode Deus cre.
Deus dam paxenxa, e ku paxenxa e trabadja ku mi ti ki tudu cusa contice, na ce hora, na hora de Deus, ami n pode fla ma mesmo sem txiga dia 1 de outubro, djan ganha tudo premio.
Que premio ke mas grande ki conquista crianças, conquista guentes grandes.
Nu poi nos musica na boca de tudo jovens e adultos, nu viaja mundo, nu intxi tudo kou ki nu bai, nu cumpri metas ki nu traça,
N’vivi nhas sonhus mas lokus e kela permitin cria sonhus na maltas mas novos ki ta sta ku mi cima Jonatthon, Flavio, Chris, Nilson, Vla e tantos otus, i tudo kela contice pamode nu acredita na projecto “RAÇA ZEFERINO”
E hoje nu sta li pamode nos crença na kel projecto ki ta flano me ca justo aceita de boca calado e dexa tudo passa sem fazi nada.
Hoje devia ser um dia feliz, um dia capaz de cria iluson na corazon de nos artistas mas novos, artistas k sta la traz ta trabadja ku kel mesmo sonho de torna nos musica mas grande, artistas ki sta da de tudo pa tem um chance de ser reconhecido, de aporta ces gran de areia a nos cultura.
Mesmo iluson ki n’tenha, e si nu djobe pa traz gosi era um momento pam larga foguete, sima nha falecido pai ta flaba, hoje era dia de rabenta pateta. Nu entanto nu sta nomeado na 4 categoria de forma direto (midjor colaborason, midjor interprete masculino musica popular, midjor afrobeat) e mas e de forma indirecto como participante na musica de nha colega petxa que n ta aproveita pa desejal boa sorte desde ja.
Ma nu ca sta feliz
E extremamente importante realça ma nos desagrado ca tem nada a ver ku cre mas nomeason nem nada disso, e tudo sobre justiça e bom senso, nhas nomeason bem tudo de um album ki ca foi nem cogitado pa pre nomeados kel filme la ta passan na cabeça constantemente, Nton cuse ki n sta bai fazi la, n sta bai fazi parte de tudo kel injustiça kes tene la dento la, n sta cala pamode medo ma es pode ca dan premio, naa, e importante nu prende intende nos papel e usa nos força pa nu manifesta oki cusas ca sta dreto, e Keli e um bom momento pa isso.
Nton portanto hoje nu sta li ta desassocia nha nome de Cvma enkuanto e estiver a cargo de kel corpo de jurado li e baxu tutela de es organizason e abre mo de tudo nhas pre nomeason, pamode kel ilsuson k ficaba es caba kol, graças a Deus nu ca ta depende de kela pa nu leba nos musica undi nu cre, e kela esta provado na dia a dia.
Nu cata cala nem fazi parte de um estructura que cata valoriza musica nem esforço de artistas, um estrutura que ca tem estado ta agrega nada mas ki humilhason, frustrason, desencorajamento, um estrutura elitista, um estorbo total.
A tudo ques que de um forma o de otu xinti injustiçado, acredita ma bu caminho e muito mas grande ki kel ki es cre difini pa bo, a nos e música a nos e arte, ami e nha propio premio.
COMMENTS