Hoje nta durmi de noite nta corda spantado, nha sonhos maioria é ku polícias
Es texto foi relstado na primera pessoa pa um caboveridiano ki fla me foi preso pa crimi ke ka komete.
"Nkria só daba opinião é fala um pouco sobre um assunto ki txeu ka sabi ta fala atoa.... Kel água kumida, kel canja, chá e mini pão nka ta skeci maior tristeza di nha vida npassa lá dento tmb, ami é um jovem ki foi prezo undi tribunal ta fla ma senhora reconhecen na um assunto na se residência dja passa 2 ano ti inda kel kusa li Sta kre caba kumi, otu hora horas kin Sta miso nta xinti tão mal triste, nta xinta nta txora.. Pmd go?... Pmd nunka nka fazi kel merda lá, nunka nka ta fazi kela, nka capaz di fazi kela, kela ka Sta na nha sangue, mesmo fidju pobre, nkria ku pouco mas nsabi conforta, nsabi pá kada alguém ku si hora Deus tem hora certo pá kada um di nos ki Sta li Nes mundo..
É triste bu odja txeu pessoas lá dento preso injustamente ta passa pá kel kusa triste lá, nsta na lê comentários ta odja pessoas ta fazi só comentários maldosos tem txeu pessoas lá disanimados, presos injusto ku cede de justiça, txeu ta caba pá cunpri tudu pena pá kusa ki nunka és fazi, só pmd ka tem condições pmd tudu goci é a base di dinhero..
Djan kumé kel canja lá ku mosca e tudo pmd sin ka kumel nta durmi ku fome, djan kumé peixe stragado ta txera mal ta intxa lingua, será kin mereceba passa pá tudu kela??? Ami nka bandido, nka criminoso, nunka nka fazi crime, mi é odjado pá muito na sociedade como bom alguém ki quando contice kel caso lá tudu fika surpreendido, txeu triste ka tá acredita mesmo, npassa kuase um ano na cadeia sem nunka fazi um crime na vida, até ki és odja mês fazi merda és tran di lá.
Hoje nta durmi de noite nta corda spantado, nha sonhos maioria é ku polícias cadeia... Quando nstaba na cadeia nha maior pensamento era di sai vinga di tudo, mas lá kin konxe Deus mas profundo, n odja ma ka vale pena... Nsta tudu dia ta spera pá justiça de Deus, nsabi ma um dia é certo, deus ka tá fadja, nka ta deseja kel dona li nada di mal, nta deseja saúde, felicidades se merece paga um dia pá kusa q fazi, deus ki sabi ki ta fazi, justiça é deus...
Ka nhos fika ta fla má presos merece passa pá kela pmd ka é certo um quarquer di nos Sta sugeito a bai para lá kualker hora nta termina ku um storia de um emigrante kin konxe lá dento... Homi bem de Suíça passa férias na cabo verde se nome é carlinhos El detado na si casa na somada rapazes bai assaltal casa é labanta de cama é contra ku assantante é da tiro panha mas nen ka morre nhos sabi undi kel imigrante Sta?? Na são Martinho fitxado ta bebi chá ki bu ka sabi nen é di ki padja ta kumi sopa ku mosca e peixe stragado é um conxinha de arroz é triste dimas hj nka tem notícia del é passa txeu mal lá dento será q merece??? Boa tarde pá nhos td é ki Deus abençoano nos td ponu sigui sempre um caminho retu q si caminho... Amem"
COMMENTS