"Es fla ma vida na europa ka é facil. Ki Kuzé go?!" - desabafu di es caboverdiano

Na CV metade ou mas de pesoas dja, ou ta pasa fomi.

Desabafu di Olivio Andrade, em resposta a publicason: "Munti alguem na Cabo Verde tem kel iluson modi ki vida na europa é facil"

"Kel pesoa ki publika na Dexam Sabi Cabo Verde , ki kre da xow, ou kualker um ki sta na europa, ka nhos da nhos opiniom contrário sobri kauverdianus ki kre viaja mutu menus bem tenta da lisom di mural ku ma europa é ka fásil.

Na nha pontu di vista, nta atxa ma tudu mundu sabi ma europa é ka fásil sem é bai, pmd ka tem nada mas difisel di ki pasa fomi. Si djo pasa fomi na bu terra ka tem ipotisi di bu ka maduresi.

Na CV metade ou mas de pesoas dja, ou ta pasa fomi. Pasa fomi é ka so ka teni nada kumi nau, 3 pur dia ka txiga ninguem.

Maioria di pesoas ki ta trabadja li na CV, ki tem salário, ta pasa fomi, pmd é ta kumi so 3 bes ou 2 bes pur dia pmd salário ka ta txiga.

Keli ta fladu me iluzom kre sai di país?

Ninhum kau é ka mar di rosa, ninhum kau é ka fásil vivi. Ki ta konta é opurtunidade pa trabadja kenha ki kre i ki gosta, la tem i é kela ki ta konta.

Si alguem sta na país fora sem kondisons, kulpa ka é di kes ki kre bai, sim kulpa é di kes ki ka gosta di trabadju ou ki ka sabi lida ku rasismo ou ki é fraku mesmo di menti ou spiritu.

Ntom nhos pára, ka nhos fla ninguem pa ka bai pmd nhos dja nhos bai, ka nhos bem da xow tambe ku ideia ma nhos sata informa pesoas di la fora é modi, pmd kenha ki ta trabadja ku mo i ku menti, ta dispensa kompletamenti nhos informasom ou nhos ajuda di kre informa.

La tem trabadju, si bo é ka malandru ou malandra, bu ta trabadja kantu trabadju moda txeu ta fazi. Ntom nhos pensa nisso, em ves di tenta da xow ou dismoralisa pesoas. Nhos fla ntom asi...

Kenha ke malandro, pa ka bem.

Nom pa informa me ka fásil, pmd kela tudu alguem dja sabi i ninguem ka kre obi."