pesar de nka tem apoio de famílias kela nunca afetam ou foi motivo de n desiste ou abandona nha sonho
Bom dia Dexam Sabi agradeço desde já pá es oportunidade de screbe es mensagem na nhos paguina e nta ficaba contente si nhos publicaba mi el.
Nha nome é Steicy Cardoso mi é là de Santiago. Mi é Studante Medicina na Marrocos Djam ntem 6 anos li,nha Mãe ta bende pão pá sustentano sem ajuda de pai k bai Angola ka bem, então nem mi nem nhas irmãos no ka tem si apoio nem financeiro nem moral k fari psicológico pior ainda.
Nha Mãe k tá dano suporte ânimo k força na skola nem si for só de boca nunca faltando pmd sima é tá fla »baca sem rabo Deus k tá bana «
Problema é k mi nka tem bolsa de Cabo-verde ntem de Reino de Marrocos mas só scola kes tá pagam é ntinha um valor de 15000 escudos em dois em dois meses tipo 7.500 cada mês mas es suspendem el pmd tinha disciplina pá traz e de acordo k sistema nha faculdade td disciplina inferior a 12 bu tá refase pmd mes sta li pés forma « Bons Medicicos ».
Bref… apesar de nka tem apoio de famílias kela nunca afetam ou foi motivo de n desiste ou abandona tudo pmd nha sonho desde menino é ser um Grande Médica pam djuda nha cabeça pam djuda nha mãe e claro da midjor de mi pá desenvolvimento a nível de saúde de nha país e nsabi ku certeza mam ntem capacidade suficiente pá kela pamode nha sonho é grande e nka kre p-e fica só sonho sabendo k Djam nsta n’a caminho del dja.
As vezes nta tem problema de paga carta comboio pam nbai skola e falta de livros…mas sempre nta fla Steicy um dia bu ta vence princípio é si mas fim bu ka sabi é mode e pode ser midjor.
So k es ano problema stam dmas pmd até inda nka cumpra livros nem matéria« de medicina ka nada barrato »e Nsa meste na urgência materiais pam studa , pmd aula dja começa a mais de 1 mês, nkre nem si for um portátil pam npoi livro na PDF assi nta faze trabadjo de skola nel .
O facto de nsta sem material sem portátil sem nada tenem desorientada cheio stress cata consegui durme noite pmd Keli é nha pensamento noite e dia :nta fla dias tá passa é aulas Sá avança exames sta próximo matérias Sá acumula kuzé de mi?
Por isso nta pidi kenha k tem possibilidade e k tá poder djudam , qualquer tipo de ajuda a cumpra nha pc a djunta pa cumpra pc a cumpra material ou pá dam força moral força de vontade courage td nsta li de braços abertos pá recebe, td k nhos atxa ma nhos tem oferece ma pode djudam nsta li aberta , nha Facebook é Steicy Cardoso.
Agradeço desde já a todos saúde e força pá nos tudo e abraços 🤗.
COMMENTS