Video: "Nha irmon y nha kunhada mori na França"

Nu sta frontado sem informason

 Patricia Lopes desabafa sobre perda di si irmao di 28 ano y di si kunhada di 25 no

Na madrugada di domingo 13/08/2023 pa volta di 3h di manhan, un insendiu diflagra na un prédio di 5 andar na baixa di Grasse, na sidadi di Nice na França. 

Nes prédio ta morraba maioriatariamente estrangeiros sendo alguns Cabo-verdianos.

Es incêndio ki diflagra na 3 andar di predio, kauza 3 mortos i 3 feridos graves ki volvidu un simana inda ka foi identifikadu ofisialmenti pa autoridades konpetentes na Nice.

Sigundu fonti siguru di NPKM, nu sab ma alguns di vitimas mortais é di Cabo verde, jovens ki sta rezidiba na Nice, na buska di um vida midjor.

Insendiu foi provokadu pa un suspeitu ki identifikadu komu un Francês di 47 anos di idadi, ki é un funsionariu di un café ki ta fika na reis do chão des mesmu prédio. 

Suspeitu foi identifikadu através di kamaras di vigilansia, e foi prezenti ao Juiz, onti sexta-feira i e foi dikretadu prizon preventiva komu medida di kauson.

Familiaris i amigus sta vivi angustiadu desdi domingu pasadu por falta di informasons sobre ses entes keridus. 

Nem autoridadi polisial, nem instituisons medikas ka facilita num informasons a familias, tendu sidu prokuradu um advogado pa tenta obter mas konhesimentu di kauza.

Familiaris tenta prokura ajuda pertu di embaixada di Cabo Verde i tambem embaixada di Portugal, undi es foi negado kualker tipo di apoio, tendo sido informado mes sa aguarda tanbe respostas di autoridades francesas, pelo ko na momento es ka podi fazi nada.

Pa oji sábado, sta agendadu un marcha/Manifestação pa pidi respostas i justiça na Grasse, Nice. Es marcha ta komesa 17h di tardi, frenti a prédio incendiadu i e ta bai até frenti di kamera munisipal di di nice(Marie).

Nôs sentimentos a tudu família i amigus.

Ki nhos alma diskansa em paz.

fonte: NPKM-TV