"Djan kansa di manda nha irma dinhero pe bai festa" - dezabafa caboverdiano na França

Dinhero ki djam mandal se djunta ta da pe forma na algum area

 Nu recebi es mensagem di um seguidor di pagina...

Bom dia Dexam Sabi, mi é um kriolu ki ta vive na Framça, hoje nkre dezabafa publicamente um situason ki sta dexam ku raiva di nha cabeça. Ntem um irma na Cabo Verde, ki sempre ki ligam é pe fla pan mandal dinhero, hoje nta advinha sempre ke txomam djam sabi é pa kuze. Ami nta sta li na França ta leba um vida kansadu, ta sai ku sukuru ta entra kaza ku sukuru, ntem 1 dia pa discansa, divirte poku, mas na Cabo Verde es ta pensa ma nta leba vida boa, ki sempre es ta txoma pa pidi algo, es nha irma djam cansa kol kin ka sabi modi nta faze, es veron é txoma quase tudu semana, y kada dia é um festa diferente ke kre bai ke pan mandal dinhero pe podi bai pamodi si amigas sta bai y é ka podi fika di fora pa ka fladu ma el é fobado.

Dinhero ki djam mandal se djunta ta da pe forma na algum area ou pe abre um loja, djam perdi conta, komu é nha irma sempre nta mandal, mas nsabi me ka so mi ki ta manda dinhero pa ser usado na kuzas ki ka tem beneficio, mi a partir di hoje nsta para. nhos publica em anonimo por favor.