Hoje kel criança sta ku 4 anos i ês ano li ta completal 5, e nunca n’tivi kel vontade di conxi e participa di sê vida
Ami ê um mudjer de 26 anos i n’ca tem amor ninhum pa nha fidjo de 4 anos
Primeiro nhôs lê antes de julga (please!)
Pessoal n’sabi ma nös mujder’s principalmente mudjers africanas tem txeu kel instinto di mai desdi cedo, más ami nunca n’tive ês desejo maternal, i smp oras kin flaba isso nta serba julgada simplesmente pmd nka tinha kel vontade di ser mai um dia,
Tudo algen ta flaba ma mi era mutu nova i ma nca sabi cusê n’ata fala ki un dia inda nta serba mai i ki é midjor cusa di mundo.
Pois, tenpo bata passa i tudo continuava igual nada di vontade ser mai, até ki na fase adulta djan staba convencida ma nunca nca crê ten fidjos
Nton nhas relações era smp bem protegido pa nenhum surpresa ka contici, ku 19 anos começa ta namora um rapaz que tinha já 26 anos, el ê ka tinha fidjos e como el era mas velho n’pensa mê debi sta na kel fase di cre ter fidjos nton avisal logo ki ser mai ê ka cumi, ael ê fla ma katen proplemas, máz logo ê ta flaba “tudo na si tempo certo” i mi flal logo “nou katen tempo certo, ami nca tem vontade ser mai e ponto!” Tempo bata passa até ki 21 anos engravida! Completamente incrédula pmd smp nta protegia, sendo ki preservativos era 99% confiável n’ca cria acreditaba ma sa fazeba parte de kel 1% propi,
Djan staba na 3 mês já, sendo ki nca xinti nada, ninhun alterson na nha corpo, nha período como era irregular ntom nka atxaba ma kel atraso era di gravidez, txeu pensamentos toma conta di mi e única certeza kin n’tinha era ma n’ta abortaba, máz xinti kel peso na consciência di ka conta nha namorando, tiká foi bem na época kê começa ta pressionam pa nu ten fidjo i keli era motivo de nôs discusson quase smp
Ntom poi coragi flal ma n’sta grávida i pê ka fica ku esperança pmd nha decison djan toma! Enfim nhx podi imagina foi um conversa sem fim i el cria tenta convencen a tudo custo pa nu ter kel fidjo, ta flaba mê desejo de Deus e por aí vai..
Como si ka basta ê liga pa nhas família ki tbm djunto ku el pressionan, n’fica mi sô na meio i ku txeu emoção a flor da pele cabeça staba xeio!
Kel dia bai deta la casa nha amiga pmd cria um pouco di paz ,na dia seguinte volta pa nôs casa i é fazen un proposta Ki realmente nca staba ta spera
Ê flan mê ta intendi nha falta di desejo de ser mai máz pan intendi tbm si vontade de ser pai di fidjo d mudjer kê ta ama, logo é ajoelha ê flan pan nten kel fidjo i pan dal pé cria, i ki n’ca mesti participa na vida di kel criança basta kin n’dal el, i kin podi fazi nha vida sima ki nada fosse
Ntom perguntal si ê ata surgiri pa nu termina nôs relason
Nen ka foi preciso respondi, odja na si odjo…
Foi minutos di silencio até kin flal OK, máz ki na kel momento mi col nuca tinha máz nada i ki assim ki kel bebê nanci nta intregal, i como prometido, assim ki kel bebê nanci intregal si fidjo.
Máz cusa máz stranho foi ki carrega kel criança por 9 mês i até na momento kê nanci nca xinti NADA n’pega kel cusinha pikinoti poi na nha peto e nada di kel amor maternal ki tudo mundo ta flaba
Na Kel momento mi propi xinti um monstro pmd era um ser ki mi ki gera, um padaz di mi,
Máz ami tbm smp n’flaba ma n’ca cria ser mai, será ki só pelo facto di ser mujder é obrigado a ter fidjo? Será ki o facto di bu ka xinti kel amor materno ta tornan um monstro?
Hoje kel criança sta ku 4 anos i ês ano li ta completal 5, e nunca n’tivi kel vontade di conxi e participa di sê vida, sempri n’desejal pê ser feliz, hoje é otu mujder kê ta txoma di mai, unico kusa kin sabi é ki sê pai casa e ke teve otro fidjo, i ke muda de PT pa Luxemburgo
Ultimo carta ke mandaba ntinha pocu palavras, isso cantu criança tinha 1 ano
“Bu sa perdi midjor cusa na vida di um ser humano, máz cumpri bu promesa di fica lonji, oji nha fidjo tem mai, era pa serba bô ku nôs li máz bu prefiri asi, nta spera ma bu sa vive sima smp bu quis, “
Ntom resumindo: nhãs família conhecidos i alguns amigos ta condenan até hoje, por conta disso desenvolve depressão e ansiedade, i nha propi mai flan mê castigo ki n’ata paga
Hoje ku 26 anos nten nha trabalho graças a Deus! Só o facto di n’ka depende di ninguém pami é um alívio
Sobre relacionamentos hoje em dia nada sério, Pmd realmente fica ku trauma!
Até pq omis é muto incerto, i ami semp dexa claro lá trás ki nunca quis ser mai!
Obrigada a tudo kenha k lê até li.
COMMENTS