"Bu podi tem poku Talentu mas si bu tem Spidenti bu ta bai mais longi ki kenha ki tem mais Talento" - Anilton Levy

Spidente é tudu, y txeu bes é mais importante ki talento na mundo ki nu sta vive

Texto di Anilton Levy: Sabi torna bu Talento rentável é fundamental.

Bu podi tem poku Talentu mas si bu tem Spidenti bu ta bai mais longi ki kel ki tem mais Talento mas ka tem ninhum Spidente

Nes mundo ser bom y tem talento ka é tudu. Bu tem ki tem mural, acredita na bo y inviste na bu potencial pa bu tem sucesso. Em qualquer area sobretudu na industria di entretenimento sa bira kada bes mais competitivo y dificil di sta na linha di frente ou di ser notado pa tornou qualquer personalidade ou produto reconhecido. 

Djan odja pessoas ki ta flado ma ka tem talento ta tem mais vizibilidade ki kenha ki ta flado ma tem txeu talento, isso ta kontice pamodi so tem talento ka txiga nes mundo. Si dento bo ka tem kel mural, kel ousadia y atrevimento di fazi bu talento trazeu sucesso ki é merecido bu ta fika sempre na escuku. 

Spidente é tudu, y txeu bes é mais importante ki talento na mundo ki nu sta vive, undi ta dado mais importancia pa kenha ki sta da mais na vista, ki sta ser mais falado. É importante bu tem bons contatos, sta na meio di undi cenas ta kontice, provoka y grita si necessario, ou sta ku um equipa ki ta trabadja kela pa bo, bu podi tem talento mas si bu ka tem um ekipa ki ta faze produto ki bu ta fazi ser conxedu dificilmente bu ta tem retorno ou ganha ku talento ku tem. Sim, bu debi inviste na bu potencial, acredita na bo y dedica pa kel ku ta faze ser kada bes midjor y trabadja kel parti ki ta fazeu ser sucedido ku bu talento...

Ver esta publicação no Instagram

Uma publicação partilhada por Anilton Levy (@aniltonlevy.cv)

comenta