Bolseiro Caboverdiano na Portugal dezabafa "Nu tem um bolsa k ka ta cubri nem despesa de alojamento"

És situação sta mesmo crítico!

Dezabafu ki nu recebi por parti di um seguidor di pagina Dexam Sabi Cabo Verde, ki prefiri fika na anonimato pamodi é tem medo di sufri vingança...

" É lamentável apoio k studante bolseiros k ta studa li na pt ta recebi por parte de governo cv. Simplesmente nu tem um bolsa k ka ta cubri nem despesa de alojamento, segundo otus studante es valor de bolsa ja existe mas de 24 ano e nunca foi atualizado, sendo k cada ano kuzas sta aumenta. Sem fala ma es bolsa nu ta recebel 1 mes de atraso, as vezes 2 meses de atraso. hoje por exemplo, 21 de maio e ainda nu ka tem nenhum informação de bolsa de maio, bu ta tenta contactas, é um perda de tempo.

Falando em contacta departamento de studante k ta fca na Lisboa, nunka odja nenhum serviço k ta destrata pessoas tantu assim, studantes ka tem nenhum voz, bu ta liga pa la es ta fala ku bo tao humilhadu e como ces sa fazenu tantu favor ku um bolsa k nu tevi k esforça tantu na secundário pa csg. Nka ta intende modi k ka tem um Cabo-Verdiano kes podi poi na trabadju la k tem k ser kel ki sta la, k ka ta intend nd sobre realidade de CV, pa fca ta destratanu moda k nu ka nd. e-mail ka mesti nem envia pa la, porq probabilidade de responde é kuasi zero.

É triste odja tantu studantes k sa bem ku bons capacidade, tem k desiste de studa, porq ta bem iludidu mo tem bolsa de studo, mas valor nem alojamento ka sa cubri. Mas triste é horas nu odja nos irmons de otus países de África ta recebi um valor de bolsa incomparável ku dnos, alem de apoio a alimentação kes ta dadu e ces bolsa ta atualizado anualmente conforme aumento de salário mínimo. igual pa kes studantes de pt, menos CV, porq nos país ka sta preocupado ku inviste na um educação de qualidade pa studantes necessitado e ku bom capacidade.

És situação sta mesmo crítico!!!

Ntevi k bem desabafa através de um e-mail fetício, porq dja nu sabi ma na CV basta bu fz um reclamação necessária, podi spera vingança. Nsa fala independente de partido, por isso nka kre k nenhum partido A ou B tenta tra proveito disso, porq nhos é cada um mas pior k kelotu. nu kre otus caras na puder, dja sta bom!!!"