"evolução tecnologicos" sta contribui txeu pa ausencia di kel nos essencia musical, tipo na nha ponto de vista, musica di gosi sta txeu comercial
é nansi 9 de Agosto de 1988, Ilha do Maio , Cabo Verde, é foi un kriança, sima mairia di meninos cabo-verdiano, criadu na meio de musica. Sema bu sabi kel ki vida danu na criança ta fika na nos pa senpre, y ka foi diferente pa Dj Respect, um Jovem Sonhador, Dj Africano ki ta tenta passa atravez di Musicas Africanos kel essencia di ser Africano, kel lado simples di vive.
Si kumeçu foi a mais di 10 anos atras, nasi tenpo di "14zinho" quando é ta frequentaba ensino secundário na Djarmai. Di algum forma "es chama" pa vida di dj cumeça cedo, é flanu me ta lebra claramente quando é ta "pankaba" aulas pé bai ter ku si tutor, Dj Creation, na actividades ki ta fazeda na polivalente e outros eventos semelhantes.
Continua ta le es entrevista y sabi mais di es jovem Dj...
Ser Dj é facil?
Ser Dj é Facil? é tem si grau di dificuldade, mas td ki nu ta faze na vida ku kel "paixão di Oficio" ta kaba pa ser "menos dificil".
Mas pa pode responde a es pergunta nu tem ki sabe kz ki é ser Dj; Ser Dj é muito mais ki poi musica, ser Dj é tenta midjora estado di spirito di pista di dança, é tipo ser um psicologo, faze pessoas discontrai, faze pessoas viaja na lembranças e recordações, visto assi ate ta parce dificil, mas é algo disafiante.
Kal ke relaçon ki bu ten ku otus artistas, tantu djs, como musicos, é importante isso?
Nka tem ki reclama di nhas relações ku otus kolegas e nem artistas, é sempre bom trabadja ku otus pessoas, apesar di kada um tem si forma di trabadja, mas é sempre bom aprende ku kompanheru. Mas nta pensa ma ainda a mais a faze nes aspecto li, sta falta mais energia entre profissionais des area li, mais humildade e mais espirito di entre-ajuda
Bu ta trabadja na algun discoteca oficial?
Djan foi Dj Residentes na alguns discotecas li na Algarve, mas nes momento nsta mais "solto", nes momento ami é um "Dj Freelancer" kre conxe otus publicos, faze otus pessoas faze kel Viagem na tempo atraves di Musica
Eventos ki ta organizadu na Portugal, ta ten apenas caboverdianos?
Nu sta na era di globalização, e dje txiga na eventos e noites Africanas tb. é bom faze um "flash back" e odja kel evolução, antes di um forma discriminatório eventos ki ta envolveba musicas Africanas era txomado di "Noites dos pretos, ou musica dos pretos" agora felizmente ou infelizmente dja sta envolve mais pessoas, mais culturas, enfim consumidor di nos noites e Musicas dja aumenta significativamente nes ultimos anos.
Modi ki é preparos di un noite?
Sima tud bom profissional, sempre tem ki tem kel preparação "pós-trabalho" e Dj ka ta fugi a regra, ku aumentos di Dj, e ku lançamentos di novos musicas ki ta sai ku "velocidade di um click" é essencial prepara antes di qq noite. Antes di nu da a conxe nu tem ki conxé, dái kel importancia na sta ta procura musicas novos, e na tenta midjora nos tecnicas.
Hoje nu teni tecnologias avançadus, fala disso?
Sima na td areas, avanços tecnologicos dexa aspecto positivos e negativos, e arte di Disc Jockey ka fugi ess regra. Mi ntevi um pouco di sorte de ter começado na material Analógico antes di txiga Digital. Mas di ninhum forma nka ta critica escolha di ninguem, cada um tem si forma e sis possibilidades, ser Dj ka sta na ki tipo di material bu ta usa, mas na kel vibe ki bu ta passa independentemente de aparelho
Kal ke consedju ki bu ta dexa pa pessoas ki sa kre entra nes mundu?
Pa pessoas ki sta pensa na aventura na Mundo di Dj nha consedjo é tenta sempre distaca pa diferença, visto ki concurencia sta cada vez mais, evita ser mais um, mas ser kel, tenta kria algo autentico
Kuze ki ta sta na bus repertorio?
Em termos di repertório nta identifica, ou pelo menos nta tenta, ser sempre fiel a nos musicas Africano, pmd kela ke nha imagem di Marca, (Kizomba, Funana, Afro House, Reggue, Tradicionais, Semba, Naija, etc.)
Ki avalhaçon ki bu ta da pa produçons fetus por cabuverdianus?
Em relação a produsons di nos artistas, nta atxa ma "evolução tecnologicos" sta contribui txeu pa ausencia di kel nos essencia musical, tipo na nha ponto de vista, musica di gosi sta txeu comercial, rapaz sta produzi mais ku objectivo pa musica torna um hit a curto prazo, enquanto ki musicas di antes ate instrumental ta fazeu corpo arrepia.
Cor preferido?
Cor preferido é Preto! hehehhe
Um musica ki marca es anu?
pa Mi musica ki marca es ano na Mercado kabuverdiano foi Nta Konsigui e Lebam ku bó di Elida Almeida
Um filme?
Nha filme preferido é "It's all Gone Pete Tong"
Ki stilu di musica mais bu gosta di toka?
Nha stilo di musica ki mais nta kurti é Deep & Soul House
Cidade di sonho?
Nha lugar di sonho sempre foi e sempre será nha Berço Porto Ingles (Djarmai)
Obi Afro House Video Mix Dj Respect Summer 15, musica pa nhos
Video Mix de Afro House by Dj Respect Espero que Gostem e partilhem o maximo, pois objectivo é mostrar a cultura, os ritmos e a boa disposição do povo Africano ao mundo. "
Dexam Sabi cv ta deseja dj Respect sucessos
COMMENTS