Ministério de Saúde sta ta investiga um " virose" ki sta afeta Cabo Verde, principalmente na cidade de Praia, desde mês de Setembro, e dja registado cerca de 300 kazo.
Ministério de Saúde sa ta investiga "virose" ki dja afeta 300 alguém.
Ministério de Saúde sta ta investiga um " virose" ki sta afeta Cabo Verde, principalmente na cidade de Praia, desde mês de Setembro, e dja registado cerca de 300 kazo.
De akordo ku Delegado de Saúde de Praia, Domingos Teixeira, na konferencia de imprensa na cedo des terça fera, 20, Delegacia de Saúde de Praia sa ta sigue kazos "tudo dia" através de Hospital Agostinho Neto e na txeu otus Centros de Saúde, també na visitas na kaza pa " djobe kuze ki sa ta leba surgimento de kel doença li" mas inda te goci ka sabedo " kauza des virose".
Entretanto, na um página de rede social Facebook um internauta sa ta falaba des doença " Zika Virus" ( ki ta transmite pa mesmo moskito de dengue) ki dja sta na Cabo Verde desde mês de Agosto e ki dja regista monte kazo.
Internauta ki fla me sta ku vírus, pergunta pamodi ki nenhum responsável de saúde inda ka papia sobre es assunto li.
Na mesmo lugar ki kel internauta li skrebi Ministra de Saúde, Cristina Fontes Lima, skrebi ma na regra " Ministério de Saúde ta informa pa ses vias sempre ki necessário".
Pa trankuiliza internautas (pessoas ki ta sta na net), Ministra kontinua ma " serviço de vigilância de epdemias sa ta kumpanha kes kazos li ku atensom, já ki djes rekolhe amostras pa análise na laboratório proprios e logo pode dekarado o nau es suspeita li"
Jornal A NAÇÃO kontacta ministra de Saúde na primeros horas des terça fera, é adianta ma tudo ta fika sklarecedo na um konferencia de imprensa.
Nes konferencia, Domingos Teixeira konfirma afirmasons ki Ministra de Saúde fazi na facebook. " doença tem stado ta afeta principalmente adultos de sexo feminino e kazos sta distribuido pa tudo lokalidade de cidade de Praia, tem kazos registado na koncelho de São Domingos na pessoas ki tem ligasom ku cidade de Praia".
Delegado inda garanti ma es teni tudo empenho na esforço " , na serviço de vigilância integrado de Doenças e Resposta na kes Epedemias, na kolaborason ku Diresom de Hospital Agostinho Neto e Escritório Local de Organizason Mundial de Saúde" na sentido de manda amostras ki sa ta rekolhedo pa Instituto Pasteur de Dakar pa investigasom de vírus responsável, ou otu kauza" , sem konfirma inda se é Vírus de Zika.
Es "virose" segundo Delegado de Saúde de Praia sklarece, é ta manifesta principalmente ku kocera e manchas na korpo, sobretudo na braço, piskos e na kosta, ta da maioria parte sem febre ou ku febre baxu, e na alguns kazos doente ta fla mes ta xinte dor na kabesa e na odju. " Ministério de Saúde informa inda ma doença tem tido evolusom benigno, ku durasom de 2-3 dia dipos de tratamento ku paracetamol e antialergicos". fonte:dypk, A nação
COMMENTS