Cabo Verde na topu di paizes ku mais mudjer na guverno

Si na mundo maioria di mudjer ministra ta tutela pastas ligadu a atividades social, na Cabo Verde mudjer ta “kontrola” sectores chave

Cabo Verde na topu di paizes ku + mudjer na guverno
DOMINIO DI MUDJER MUDA FORMA DI GUVERNA?
Da bu resposta, embora sabendo ma ê dificil “kuantifica”. Cabo Verde dja ten + di un ano ki teni 9 mudjer ministra kontra 8 homi, atualmenti ê ta ocupa primeru lugar na Ranking Mundial djuntu ku França es tudo 2 ku 52.9% di mudjer na conselho di ministros (Finlandia ki era primeru kai pa 14ᵒ puzison segundo ultimo atualizason di Union Interparlamentar)
Si bu soma kes otus 3 mudjer Secretárias di Estado ta da 11 mudjer na governo di Cabo Verde.

MUDJER NA PASTA CHAVE..
Si na mundo maioria di mudjer ministra ta tutela pastas ligadu a atividades social, na Cabo Verde mudjer ta “kontrola” sectores chave moda Cristina Duarte na Ministério di Finanças y Planeamento, Sara Lopes na Ministério das Infra-estruturas y Economia Marítima ou Leonesa Fortes na super Ministério do Turismo, Investimentos y Desenvolvimento Empresarial.

Inda ten Cristina Fontes Lima (Saúde), Janira Hopffer Almada (Juventude, Emprego y Desenvolvimento dos Recursos Humanos), Marisa Morais (Administrason Interna) Fernanda Marques (Educason y Desporto), Eva Ortet (Desenvolvimento Rural) y Fernanda Fernandes (Comunidades).

ALGUN IMPACTO?
Será ki es prezensa maioritária di mudjer na governo ten tido algun impacto na forma di guverna? Mudjeris trazi algun mudansa significativo na forma di fazi politica na Cabo Verde ? Sempri ten kel ideia ma mudjer ta “transporta” si experiencia di vida pa esfera di poder pa benefecia politicas social. Será verdade?

Un cuza ê certo: Es prezénsa massivu di mudjer na governo ta encoraja certamenti txeu jovens di sexo femininu a envereda na politica nun sociedade machista undi mudjer inda ê txeu bes odjadu como intelectualmenti inferior. Ê tambe un mensagen : mensagen di un Cabo Verde cada vez + feminista undi monopólico di poder dja dura ki skapa di mó di homi. fonte:ondakriolu