"Ti quando no ta bai festa ku alegria, ma no ta kaba ku medu?" - Nhunha dezabafa

pamodi un grupu ta skodje violência na lugar di paz.

Dezabafo di Nhunha:

 Ti quando ?

Ti quando no ta bai festa ku alegria, ma no ta kaba ku medu? Té quando juventudi ta transforma momentu di diversão na briga?

Festa é pa dança, ri, convivi y bai pa kasa na paz... ka pa kori, odja pancadaria y arriska vida di ken ki ka ten nada ku kel briga.

Onti na Ink, un momentu ki kumesa dretu kaba di pior manera. Falta di respetu pa seguranças, pa polícia y, principalmenti, pa tudu kes pessoas ki só kria diverti.

No ka podi diverti ti manxe

pamodi un grupu ta skodje violência na lugar di paz.

Pior di tudu, kel briga podi atingi alguén ki ka ten nada ku es confuzon. Un vida podi perdi só pamodi falta di konsiensia.

Nou nhos mesti muda.

Nha pergunta é só um: Será ki no ka podi ten

un festa sem briga?

Juventudi, já basta. Paz ta bali más ki guerra.

Ku tudu kes mininas bonitas ki staba na festa, ku tudu kes rapazes dretu y edukadu ki staba lá, festa era pa dança, diverti, konxi genti nova, faz amizade, até atxa un amor ou un Xory.

na primeru briga ki sai na un festa, mi ta bai pa kasa logo, fla nhas irmãs no bai.

Às vezes, ken ki ka ten nada ku confusão é ki pode acaba sendo atingidu. E por isso ki mi ka ta fica na lugar undi energia já muda y começa ta ten violência.

Era pa bai pa kasa ku bo korason leve, ka ku medu.

Ma nhos skodje briga.

Briga ka ta trazi nada. Si ka é morti, é prizom. É keli ke vida ki nhos kre vivi?

Violénsia y guerra di grupu só ta leba pa mal kaminhu y ta fazi família y amigos sufri.

Basta. Paz é más grandi ki briga. Pensa um bokadinho antis di straga vida di otu y di nhos mesmu.