Dia ki kasamentu di mi ku nha spoza kaba...

udjer podi kaba ku kasamentu pamodi un Nuvela

Rubrica Aventuras di Olavo Varela Cabral, um humorista caboveridano, di santa Catarina.

Bon dia!!!
Fecebook/Nuvela

N staba na kaza, xintadu na sufa mi ku nha spoza, el ta odja Nuvela, ami ta mexi na movel

(Fecebook), diripenti da-m uma sedi, mas konbersu ku nha amiga na "mensager" staba ton sabi ki ka ta daba pa-m bai kuzinha bebi, nton N fla nha mudjer:

- Juliana, nha amor, panha-m un kopu di agu la kuzinha la bu da-m pur favor...

E risponde-m nen e ka djobe-m na rostu pe ka perdi un parti di Nuvela e fla-m si:
- N ka sata bai, labanta bu bai bu larga kel telemovel la.

Di ripenti si movel ki staba la kuzinha toka.

E labanta uma na forsa ke sota na mezinha ki staba na meiu kasa ki ti inda e teni sinal na kanela.
Kantu e txiga ke panha movel, era un mensaji di meu ki ta flaba el si:
"Dja ki dja bu sta na kuzinha traze-m un kopu di agu un bes.

(Mas tanbe di mi ku el kaba. Mudjer podi kaba ku kasamentu pamodi un Nuvela i omi podi perdi kasamentu pamodi facebook).