Cabo-verdiana Misá dja tem mais de Un ano sem Kume

Misá (Maria Isabel Alves) dexa di poi kumida solidu na boca desdi Agosto di anu passadu. Ê ta pezaba 97 kilo, na un mes ê perdi + di 40 kilo.

Artista plastica Misá dja ten + di un anu sen poi kumida solidu na boca
Ê FLA MA Ê TA VIVI DI LUZ DIVINA...
Y di liquido: Agu, sumo, suku de vegetais,etc, mas ka pa alimenta, so pa prazer...
Misá (Maria Isabel Alves) dexa di poi kumida solidu na boca desdi Agosto di anu passadu. Ê ta pezaba 97 kilo, na un mes ê perdi + di 40 kilo. Atualmenti si pezu sta “esbilizadu” na 62 kilu, mesmu pezu ki ê tinha kuandu era rapariguinha di 22 anu
Nau, Misá ka sta fazi ninhun grévi di fome. Es pintora, poetisa y ativista cultural també konxidu pa si trabadju na prumoson di kumunidadi di rabeladu simplismenti “rabela” kontra kumida.

ALIMENTASON PRANICA...
Miza fla ma “kumi tudu dia ê xatu”, por isso ki ê dicidi opta pa “alimentason prânica” ki ta konsisti na libertason kompletu di necessidadi di alimentos fisicos y e passa enton ta alimenta di luz. Ka di luz di sol nau, luz divina sima Misa ta fla . Di facto fonte di es “alimentason divino” é un cuza invizivel ki na filosofia hindú ta txomadu “prana”. Nutrison prânica sta associadu ku meditason, ku busca pa auto-conhecimento, ka pureza fisico, emocional y mental y ku libertsaon di tudu kontingencia material . E por isso ki Misa fla ma dili un tempu e ta liberta di tudu si bens material pa e kria un espasu esperitual di auto-conhecimento undi tudu pessoas podi bai djobi ses propri luz.
por:ondakriolu, fonte: Jornal “A Voz”.