Investigadora fla ma: "Cabo Verde é un prizon pa migrantes africanos"

Segundo Noemye, maioria migrantis ki ê entrevista ta discrevi Cabo Verde como un prizon, mas mesmu si es ka ta baxa brasu

Segundo Noemie Marcus, investigadora di Universidade Livre di Bruxelas
“CABO VERDE Ê UN PRIZON PA MIGRANTES AFRICANOS
Y encurraladus na ilhas, es ta refúgia na religion pa ka perdi speransa di txiga Europa. Pa es Cabo Verde ê un prizon : kel ki foi koncluzon di investigadora di Universidade Livre di Bruxelas Noemie Marcus, koncluzon ki ê aprezenta es quinta-fera durante un workshop na Universidade di Luxemburgo sobre Mobilidade na Africa Ocidental.

Noemie, ki ten acompanhadu es drama di migrason na Africa Ocidental, fla ma kes africanos ki ta uza Cabo Verde como porta di entrada pa Europa ta fika na Cabo Verde nun “spera existencial” sen sabi si ta termina un dia.

Segundo Noemye, maioria migrantis ki ê entrevista ta discrevi Cabo Verde como un prizon, mas mesmu si es ka ta baxa brasu, es ka ta perdi speransa, sempri es ta reinventa novu formas di alimenta es sonho. Txeu ta agarra na religion.

Na workshop participa “académicos” di Bélgica, Estados Unidos, Cabo Verde, Holanda y Luxemburgo. Di Cabo Verde participa Clementina Furtado, di Universidade di Cabo Verde, ki fla ma segundo estatistica di 2000 pa 2006 entra + di 2 mil migrantes na Cabo Verde , maioria di Africa Ocidental (76%) .
Mas pa Clementina Furtado es numero ê mutu superior pamodi ten un discrepancia entre numero di migrantis aprezentadu pa Direson di Estrangeiros y Fronteiras y numeros fornecidos pa Embaixadas. Ė da exemplo di Chinez: Ė fla ma na ultimos anos es aumenta konsideravelmenti na CV ( estatistica ta fla ma ten uns 2 mil chinezes ta vivi na CV mas provavelmenti es ê mutu +). fonte:OK