"Sera kim sta dodo" - Suely Barbosa

Detado Nha sonho é so Ku bo, Kordado Nha pensamento é so Na bo, Sera kim sta dodu?

Sera kim sta dodo, Poema de Suely Barbosa, uma poetisa da ilha do fogo.

Sera kim sta dodo

Detado
Nha sonho é so
Ku bo
Kordado
Nha pensamento é so
Na bo
Sera kim sta dodu?

Na kafe kim ta tuma
N ta odja forma
De bu rosto desenhado
N ta sia na spedju é bu imagem
Kim ta odja stampadu
Sera kim sta dodu?

N ta sai na rua
Kada passo kim ta da
É ku sperança
Na enkontrabu
Kada karro ki ta passa
Ta pom coragi pam frabu
Kada raio de sol ki ta tchiga te
mi Ta dam força de sta di pe
Ma unico motivo
Ki ta pom sta bibu
E respirando é bo
Pamode é bo
Ki ta pom sinte dodu
É bo ki ta durmi na nha mente
E corda na nha pensamento
Será kim sta dodu?

Queli é so na boka!
Fram tchiga pertu del
E fral um uniko palavra sem gagueja
N ka ta consigui
Nha bechu ta tremé
Osso nha corpo ta paralisa
Simplesmente
N ta odjabu n ta tem certeza
Ma bo é razão dim sta dodu!