Aparatozu acidente di carro pruvoca 5 feridus es madrugada na cidade da Praia

Vitimas, tudo jovens funcionários di Banco Comercial de Atlantico ( BCA) sta binha di un festa di ses trabadju. Ka fazedu teste de bafómetro, por isso ka sabedu si menina ki sta konduziba staba sob efeito di alcool.

Aparatozu acidente di carro pruvoca 5 feridus es madrugada na cidade da Praia
POR FAVOR MINIS: SI NHOS BEBI KA NHOS KONDUZI...
Ê un konsedju ki certmenti dja bu obi txeu, mas nu ta ripitil + un bes nes epoca di festas ki provavelmeti ê pior altura pa lamenta feridus ou pa enterra mortos: BEBIDA KU KONDUSON KA TA KOMBINA, txeu bes rezultadu ê cemiterio ou hospital.
Hospital foi pa undi lebadu 5 jovens ki na es madrugada di sábado staba dentu di un automovel ki rabida na Praia, + precizamenti na Rotunda di Gamboa

Vitimas, tudo jovens funcionários di Banco Comercial de Atlantico ( BCA) sta binha di un festa di ses trabadju. Ka fazedu teste de bafómetro, por isso ka sabedu si menina ki sta konduziba ( Melissa Estrela Santos, 23 ano) staba ou nau sob efeito di alcool. Melisa fika internada na hospital di Praia pa observason y si colega Doris foi submetida a un operason cirurgica. E sta hospitalizadu nun estado konsideradu grave. Kes otus 3 jovens ki staba na carro ( Elida, Carmen y Yenik) ka sufri nenhun ferimentu grave.

Embora ka sabedu si ê alcool ki sta ou nau na origen di es acidente, ta fika es alerta pa tudu jovens: Alcool ê principal cauza di acidentes na stradas di Cabo Verde y na es altura di Natal y Fin D’Ano ê ta mata ku + frekuéncia . Ê ta mata ou ê ta straga vida di txeu jovens y menus jovens ki ta dicidi pega na volante dipos di bebi . Tambê ê ta mata ou ê ta straga vida di txeu inocentes ki ta surgi na ses kaminho. Konduson sob efeito di alcool ta enluta familias, ê ta dexa aleijadus y ê ta muda radicalmenti vida di pessoas. Pa sempri.
Onda Kriolu dja da noticias di + di acidentes fatal. Medicos na hospital dja tenta salva di + jovens ki lebadu na maca vitimas di acidentes di viason. Familias di + dja foi obrigadu a enterra un fidju, un irmon, un pai ou un mai so pamodi algun iresponsável dicidi conduzi moku ou ku cerebro konturbadu pa grogu ou cerveja.
Es altura di ano ê pa alegria, ê pa konfraternizason, ê un altura pa celebra vida y nau pa txora morte, pelo menus kes morte ki ê evitável.
+ un bes : Si bu droga ou si bu bebi por favor ka bu konduzi. Pa bu ben y pa ben di otu pessoas.
Boas Festas! fonte.OK