Kuza ki ka falta na 2015 na Cabo Verde foi festival. Greves també ka falta ku prufessores, funcionarios publicos y policia judiciaria ta manisfesta na rua ses descontentamentu.
Inquérito
PA BÔ KUAL Ê MAIOR ACONTECIMENTO DO ANO NA CABO VERDE?
Modi ki foi 2015 pa Cabo Verde? Na es ultimos 12 mes ovi avansus y recuos, ovi mumentos di tristeza y mumentos di alegria.
08 DI JAN : Naviu Vicente bai fundo perto di Vale de Cavaleiros, na Fogo, ku 26 pessoas a bordo. 11 sobrevivi, 3 morri y 12 ti inda sta desaparecidu.
08 DI FEV : Termina erupson di vulcon di Fogo dipos di 77 dias di erupson.
14 FEV : Don Arlindo Furtado toma posse como primeru cardeal cabo-verdiano na Vaticano
07 MAR: Cantores Elji, Djodje y Lejemea sagra vencedores di Cabo Verde Music Awards y lansa un debate sen precedente na Onda Kriolu sobre esséncia di muzica di Cabo Verde protagonizadu pa Kaká Barbosa y si irmon Adérito Barbosa.
25 MAR: Parlamento aprova Estatuto dos Titulares de Cargos Politicos ki ta preveba 60% di aumento pa politicos y governantes.
30 MAR : Povu sai na rua pa prutesta kontra novo Estatuto di politicos na kel maior kontestason di rua ki dja fazedu na Cabo Verde kontra un decizon di classe politica.
09 ABRIL : Presidente Jorge Carlos Fonseca veta Estatuto dos Titulares de Cargos Politicos ki dja staba aprovadu na Assembleia.
28 MAIO : Ministra Cristina Duarte perdi eleison pa prezidencia di Banco Africano di Desenvolvimento (BAD) dipos di gasta milhares di kontu ( certu certu ti inda ka sabedu) nun kampanha financiadu ku dinheru di stadu.
29 MAIO : Parlamento aprova Novo Código Penal ki ta aumenta pena maximo di 25 pa 35 anu di cadeia na cazu di cumulo juridico dipos di Onda Kriolu lansa un petison online undi milhares di cabo-verdianos sina pa aumenta pena máximo pa 45 anu.
02 AGOSTO : 4 adolescentes morri “di un bes” na mar di Prainha, na cidade di Ribeira Brava, na ilha di S.Nicolau
31 AGOSTO – Furakon Fred atingi Cabo Verde y dexa stragu na alguns ilhas.
29 OUT – TACV é konsideradu tecnicamenti falidu pa deputados na Parlamento y na rede social intensifica prutestos kontra aumento di tarifa praticadu pa TACV principalmente na rota Cabo Verde/ Merka.
31 OUT- Atleta paralimpico Marcio Fernandes sagra kampion di mundo di lansamentu di dardo na mundial di Katar ( Foi primeru medalha di oru pa CV nun kompetison mundial)
GREVES Y FESTIVAL...
Kuza ki ka falta na 2015 na Cabo Verde foi festival. Greves també ka falta ku prufessores, funcionarios publicos y policia judiciaria ta manisfesta na rua ses descontentamentu. Inda ovi denuncias di korupson como na cazu di ministro Antero Veiga ou na geston di ajuda pa deslocados di Châ das Caldeiras. Krimi tambe ka da tregua : Dezenas di jovens kriolus perdi vida vitimas di “boka bedju” ou atus armas mortal.
Maior motivu di kontentamentu pa Cabo Verde foi certamenti txuba ki modja txon pa kampunezis y intxi barragens ( menus di S.Nicolau ki kostruidu “fradu”).
- Na bu opinion kual foi maior acontecimento do Ano na CV? També bu podi sugeri otu “acontecimento” ki bu ta konsidera importante. por:ondakriolu
comenta
COMMENTS