Segundo es mesmo denuncia di “Os Tubaroes” logu dipos di acidente Totinho foi “violentamente agredido” pa agentes di policia
“ESSA Ė A JUSTIÇA QUE TEMOS”...
Un justiça ki segundo conjunto “Os Tubarões” ta da pena suspensu ou ta coloca sob Termo di Identidade e Residência delinquentes y criminozus reincidentes y ta condena injustamenti pa bai cadeia un cidadon sen kadastru, ki nunca ka fazi nada di condenável y ki pa forma como ê ta dedica a si prufison ê un exemplo pa juventude.
Es cidadon ê Totinho, saxofonista di conjunto “Os Tubarões ki pa evita bai passa un ano na cadeia tinha ki paga ti dia 8 di Janeiro un indemnizason di mil kontu pa uma agente di policia ki segundo conjunto “Os Tubarões” ê atropela involuntariamenti ( sen kré). Na acidente es policia fratura femur.
Inda di acordo ku elementos di conjunto “OsTubarões” Totinho pidi pa paga es quantia en prestason mas pedidu foi recuzadu tantu pa policia como pa Tribunal..
Na iminéncia di odja ses colega di conjunto ta bai cadeia “Os Tubarões” fazi un emprestimo bancario di mil kontu pa Totinho ben paga. Dinhero dja entregadu, di forma ki nes mumento Totinho sta livre di kualquer prublema, so ê ten ki paga divida ki kontraidu na banco.
JUSTIÇA FOI INJUSTU...
Nun denuncia na facebook tudu elementos di conjunto ”Os Tubarões” ta coloca na ladu di Totinho y ta critica justiça di Cabo-Verde ki na ses opinion ka agi ku imparcialidade durante julgamento. Pa es Totinho ka agridi ninguen, ki kontici foi un acidente involuntario ( un fatalidade) ki Totinho di facto ta lamenta.
Segundo es mesmo denuncia di “Os Tubaroes” logu dipos di acidente Totinho foi “violentamente agredido” pa agentes di policia ki staba prezenti pamodi es atxa ma Totinho atropela ses colega di prupózitu.
Tambe es ta aponta dedu pa “responsaveis publicos judiciais” ki pa es ka agi sima lei ta manda pamodi a-partida es konsidera ma Totinho agi ku intenson di cauza danu y na julgamento es obrigal papia na portuguez, un lingua ki Totinho ka ta domina plenamenti.
KAMPANHA DI SOLIDARIEDADE...
Pa djuda Totinho liquida es empréstimo di mil kontu, mas també pa mostra ses ‘indignason peranti es forma di atuason di Justiça” conjunto “ Os Tubarões” lansa un campanha di angariason di fundo y es pidi interessadus pa deposita kontribuison na siguinte konta:
Banco Interatlantico
Conta a Ordem n. 5139158/10/001
Nome: Domingos Antonio Fernandes ( Totinho)
IBAN/NIB PARA TRANSFERÊNCIAS ELECTRÓNICAS:
RESIDENTES EM CABO VERDE 000500000513915810197;
RESIDENTES NO EXTRANGEIRO
CV64 000500000513915810197
fonte:ondakriolu
COMMENTS