Rahama, un jovem lindissima ki ta vive dentu di un banhera di plástico verde...

Txeu alguen dja disponibiliza pa djuda y si “Deus kré” dentu en brevi Rahana ta teni si cadera di roda. Y nu ta spera ma Deus ta kré. Pamodi religion al-vez ta djuda al-vez ka ta djuda.

Ê ta vivi nun banhera di plástico algures na Nigeria
RAHAMA Ê LINDISSIMA !!!!
E teni 19 ano y e ta vive na Kano, un cidade di Nigeria. Es foto di es menina sen corpo ki ta vive dentu di un banhera di plástico verde viaja pa linha di Agencia Reuters y txiga ti Onda Kriolu nes ressaca di fin d’anu. Y sima txeu otu imagens ki ka mesti xplicason ê fika gravadu na nos memoria. Nu ka sabeba era quenha, nen na undi: So es imagen “solitário” di un rosto sen corpo.
So + tarde e ki nu ben sabi ma foto di facto foi colocadu na rede social pa un nigeriano ki sta pidi ajuda pa cumpra un carrinho di roda pa es infeliz dipos di odjal ta ser transportadu na banhera riba cabeça di si irmon di 14 ano.

FELIZ PAMODI Ê STA BIBU...
Txeu alguen dja disponibiliza pa djuda y si “Deus kré” dentu en brevi Rahana ta teni si cadera di roda. Y nu ta spera ma Deus ta kré. Pamodi religion al-vez ta djuda al-vez ka ta djuda. Na cazu di Rahama religion (misturadu ku supersison) kuazi ka djuda. Sempri ê fladu ma ê naci pronto mas ma un dia un anjo ou un demonio cruza na si caminho y lansal un maldison. Bruxos fla ma ka tinha kura y medicina di nos Africa dal pa incapaz . Di forma ki Rahama ta rezigna ku si vida sen corpo . Tudo dia si irmon ten ki karregal riba cabeça di si aldeia pa cidade (uns 25 kilometros) undi ê ta bai pidi zimola.

Segundo pessoa ki tra es foto Rahama sta konfortadu ku si vida, un vida sen amigos, sen alguén pa dal un mó pa alén di si familia . Ê fla ma ê tevi sorte pamodi un otu si irmon ki tevi mesmo doença ka sta na es mundo pa konta storia.

Di manera ki ta fika es foto. Ki ta lebanu a pensa sobre injustiça y dizigualdade na mundo d’oji ( uns ku txeu otus sen nada). Rahama por enkuantu ta fika ku kel poku ki ê ten: Si banhera verde y si toca vermelho di Islão. Enquanto ê sta spera pa un kaderinha di rodas. Mas un cuza nu ka podi nega : Rihama ê lindissima! fonte:ondakriolu