BoaVista: Jovem tenta suicida pamodi teste di HIV/Sida da puzitivo, mas na verdade el ka é seropositiva

Adelia sta fla ma delegada de saude de Boavista foi iresponsável y poku profissional. Ê kré lebal Tribunal.

Ê fazi 3 teste di HIV/Sida na Boavista y tudu da puzitivo
ADĖLIA TENTA SUICIDA MAS A-FINAL NEN Ê ERA SEROPOSITIVA...
Noticia ta sai es sexta-fera na edison expresu di Jornal A Semana. Ê ta da konta ma Adélia Rodrigues fazi 3 testes rapidu di HIV/SIDA na 3 lugar diferenti na Boavista ( na Centro di Saude y na 2 clinicas) y tudo da puzitivu. Pa konfirma Adélia pidi + un exame na Centro di Saude mas exame foi recuzadu. Durante 9 mes si vida foi un inferno. Ê tevi un aborto espontaneo, ê tenta suicida , ê tenta agridi si kumpanheru ku faca y ate e poi lumi na si caza.
Mas Adelia nunka ka komforma ku rezultadu di testes rializadu na Boavista. Dipos di txeu insisténcia ê konvenci delegada di saude a pidi Praia teste Elisa, un teste + efeciente ki ta deteta anticorpos di HIV. Teste da negativo.

Adelia sta fla ma delegada de saude de Boavista foi iresponsável y poku profissional. Ê kré lebal Tribunal. Clinicas ki konfirma teste sta kre tra ser corpo di ladu, e fla ma es kumpri ku “protocolo”.
UN DIAGNÓSTICO ERRADU PODI STRAGA UN VIDA...
Di facto un diagnostico erradu ki ta aponta ma un pessoa teni virus di HIV na sangui podi dezorganiza vida di es pessoa y desestrutura si relason familiar. Na cazu de Adelia ki tenta poi fin a si propri vida efeitos podia ser terrivel.

Pergunta ê kel li :
Adelia ten direito ou nau a un indemizason por “danos fisicos e morais” tantu di Ministério de Saude como di kes 2 clinicas particual ki konfirma ma ê tinha virus? Rapara ma ki sta en cauza ê ka si delegada di saude foi responsavel ou nau, ou si clinicas cumpri ou dexa di cumpri protocolo. Ki sta en cauza ê danos y sofrimento ki es falso diagnostico pruvoca na si vida. fonte:ok