Carlos Rafael era reprezentadu pa empreza “Africa Pesca” ki dja staba preparadu pa kumesa atividade na Cabo Verde nun invetimento di + di 8 milhon y meio di dolar.
CARLOS RAFAEL “FISGADU” POR KONSPIRASON FISCAL...
Ora ki inspetores di pesca ka sta prezenti tudu pexi ki ta txiga na si barcos na porto di New Bedford ê ta manda “marca” como arinca mesmo si barco ta trazi otu espécies di pexi mutu + caro na mercado. ( Pa kes pexi ki ê ka ten autorizason di pisca ou di pisca so un determinadu quantidade ê ta pidi capiton di si barcos pa nome di otus pexi + baratu na papel).
Pexi dipos ê ta bendi “cash” (sacos y sacos di dinhero). Ė di es forma ki es armador açoriano rezidenti na Merka ta “finta” regulamento pa ê podi tra + pruveito ku benda di kes pexi + lucrativos. Di es forma tambe ê ta reduzi pagamento di impostos.
Ti es sexta-fera.
Es sexta-fera Carlos Rafael alegadamenti konta tudu si “manobra” pa un “ganster” Russo ki kreba cumpra si negocios. So ki “ganster” Russo era un agente secreto.
Carlos Rafael, un di kes maior armador di pesca di Merka, foi prezu es sexta-fera pa agentes federal acuzadu di falsificason di documentos federal y també di omite maior parti di si rendimentos .
Si empreza na New Bedford ê “Carlos Seafood” , e ta emprega dezenas di cabo-verdianos. Na documentos oficial “Carlos Seafood” bali 21 milhon di dolar, mas ê fla es falsu cumprador russo pa ka djobi na papel, ma si empreza bali mutu + ( e pidi 175 milhons).
Carlos Rafael aprezentadu es sexta-fera na Tribunal y juiz dal ordi di prizon sen possibilidade di paga fiança. Ê ka primeru bes ki ê sta bai cadeia. Na anos 80 ê passa 6 mes tras di gradi , na anos 90 ê foi acuzadu di “fixa” presu y na 2000 ê foi setenciadu a pena suspensu por crimes ligadu a falsu declarason sobre si atividades comercial.
SEN CAVALA KA TEN NEGOCIO.....
Carlos Rafael da ki papia li na OK na passadu mes di Marco pamodi Direson Geral de Recursos Marinho di CV ka dal autorizason pa pisca cavala na Cabo Verde. Carlos Rafael era reprezentadu pa empreza “Africa Pesca” ki dja staba preparadu pa kumesa atividade na Cabo Verde nun invetimento di + di 8 milhon y meio di dolar. Es ben dizisti pamodi autoridades di Cabo Verde so autorizaz pa pisca melvas enquanto “Africa Pesca “ sta insistiba na pisca cavala , un especie konsideradu sobre-explorado na Cabo Verde.
Un di kes razon ki leba es empresario portugues a “pensa” na Cabo Verde foi justamenti cobrança di imposto , ki ê ta konsideraba mutu + justo na CV di ki na Merka. Até ê expressaba si desejo di muda si nacionalidade merkanu pa nacionalidade cabo-verdiana. fonte:ok
COMMENTS