Kriola rezidenti na Luxemburgo na final di Top Model Europe 2016

“Look” di Erin txoma logu atenson. Ê foi selecionada na categoria di “ Modelo Fotográfica”. Dipos di sesson di fotos na Bruxelas ê passa

Kriola rezidenti na Luxemburgo na final di Top Model Europe 2016
HELLO SINTANTON ...
Erin Figueira naci na Porto Novo, ilha di Santo Antão, mas ê passa metadi di si vida na Luxemburgo undi ê ta trabadja como funcionaria admnistrativa nun empreza di ramo automóvel . Moda nunca ka stevi na si planu, embora na passadu ê recebi txeu convites pa e konkorri pa konsursu di Miss. Ê fla ma nunca e ka participa pamodi ê ka tinha confiança, até ki un dia un si amiga inscrevel pa edison di es anu di Konsursu Top Model Europe, un di kes konkursu di modelo y di manequins ku + prestigio na Europa.
“Look” di Erin txoma logu atenson. Ê foi selecionada na categoria di “ Modelo Fotográfica”. Dipos di sesson di fotos na Bruxelas ê passa pa meias finais y dipos pa final.
Final ê na dia 27 di Febreru nun hotel di Bruxelas, na Bélgica. Erin ka sabi si ê ta ganha ou nau, mas pa el + importanti ê ganha experiencia y sobretudo estabelece contactos ku agencias. Objetivo di es konkursu é tambe djuda modelos na ses carrera internacional , un carrera ki Erin sta kumesa ku 24 ano di idade , mas sima ta fladu e midjor tardi di ki nunca . Y ê ta dexa es mensagen pa + nobu :
“ Nhos ten confiança y nhos sigui nhos sonho. Ku certeza y perserverança”. fonte:ok