Joven pugilista kriolu nascidu na Merka kré bai reprezenta Cabo Verde na Jogos Olimpicos

pa entra na equipa olimpica di Cabo Verde David ten ki qualifica. Ê por isso ki ê sta treina ku empenhu pa ê podi bai konkista vistu pa Brazil nun torneio final di kualificason na Africa na proximo mes di Junho.

Joven pugilista kriolu nascidu na Merka kré bai reprezenta Cabo Verde na Jogos Olimpicos
DAVID RIBEIRO STA TREINA “NO DURO”...
Odja + fotos na kumentario.
David Ribeiro, 19 anos, sta sigui à riska orientason di si treinador y ê sta treina 2 bes por dia tudo dia di semana nun ginazio na Brockton (Cappiello Bros. Boxing Gym) .

Si objetivo?
Si objetivo imediatu ê bai difendi bandera di Cabo Verde na Jogos Olimpicos Rio 2016 na Brazil ki sta marcadu pa es veron. Mas pa entra na equipa olimpica di Cabo Verde David ten ki qualifica. Ê por isso ki ê sta treina ku empenhu pa ê podi bai konkista vistu pa Brazil nun torneio final di kualificason na Africa na proximo mes di Junho.
( David ta kompiti na categoria di 60 kilu. Unico pugilista cabo-verdiano ki dja sta garantidu na Jogos olimpicos ê Davilson Morais ki kualifica nes mês di Março nun torneio na Yaundé).
David sabi ma kualificason é ka facil mas tambe ê ka impossivel . Na verdade es joven pugilista nascidu na Merka fidju di cabo-verdainos di Praia ku di Fogo dja sta habituadu ku venci obstaculos (26 vitorias y 6 derrotas na si palmarés : Na 2011 ê foi vencedor di Kampionatu Olimpico Regional na Lake Placid, Nova York, y es anu ê participa nun torneio na Praia – Taça Liberdade- ki garantil direito di bai disputa es kualificason pa Jogos Olimpicos).

PA DAVID BOXE Ê UN SCOLA DI VIDA...
Pamodi sima e fla ku si boca el era un “bad kid” . Si ka era boxe ê staba na rua na delinquencia. Ou na cadeia. Ou mortu. Mas boxe mudal si vida: Ê torna disciplinadu y sobretudu motivadu . Ê di es forma ki ê bai kuadru d’honra na Liceu Tecnico di cidade di Easton undi ê ta studaba. Pa kenha ki konxeba el antis y pa kenha ki konxel gossi mudansa foi di 180 grau. Boxe transformal nun pessoa mutu midjor. Mas kenha ki ta inspiral ?
David fla ma ten txeu atletas ki ê ta admira, mas ma si inspirason maior ta ben di Deus. Y di si familia ki ta dal konsedju.
Gossi David Ribeiro kré ser pugilista pruficional. Mas primeru ê kre xinti orgulho di reprezenta Cabo Verde. fonte:ok