Prufesora ki alegadamenti agridi aluno di 8 ano punidu ku reforma kompulsiva

Pais di aluno fazi quexa na Ministério di Educason y Desporto ki dipos di analiza cazu konsidera ma foi “un infraçăo disciplinar grave”

Prufesora ki alegadamenti agridi aluno di 8 ano punidu ku reforma kompulsiva
PROFESORES SOLIDÁRIOS...
Kazu da ki papia li na Onda Kriolu na pasadu mes di Novembro.
Adelino Cardoso, pai di un rapazinho gosi di 9 ano ki ta studa na scola de ensino bázico Catarina Cardoso na Praia denuncia na facebook ma si fidju staba hospitalizadu dipos di ser agrididu ku un padaz di tábua espetadu ku pregu pa si profesora Catarina Cardoso. Aluno da entrada na hospital di Praia ku txeu hematomas na ombro y segundo si pai é sofri 3 intervenson cirurgico pamadi pregos atingil osso.
Pais di aluno fazi quexa na Ministério di Educason y Desporto ki dipos di analiza cazu konsidera ma foi “un infraçăo disciplinar grave”, y por isso es dicidi reforma kompulsivamente es prufesora.

Decizon di Ministério di Educason ka agrada a un grupo di professores di ensino bazico ki es semana fazi un manifestason na Praia pa solidariza ku es ses colega di prufison ao mesmo tempu ki es pidi ministerio pa re-analiza dicizon pamodi decizon foi “mutu duro”.

Opinion di prufesores sobre ses colega Catarina Cardoso ta divergi: Alguns ta fla ma el e un “educadora respeitadora” ku + di 20 anu di karrera ki nunca ka tevi prublema nen ku alunos nen ku colegas. Otus ta difendi ma Catarina Cardoso sistematicamenti ta agridiba alunos durante aulas, tantu verbal como fizicamenti. Segundo un prufesor ki pidi anonimato txeu alunos dja kexaba del y si relason ku si colegas professores ka era “satisfatório”. fonte:ok