Sera ki poi mudjer ta rabola na vídeo-clips e ka un forma di “violência domestica”?

Dentu di kultura muzikal di Cavo Verde ten txeu oportunistas ki sta ta polui “aspetu genetiku”di nos muzika ku falsus patriotismu kultural

CRONICA - "Muzika di Nha Tera" - Sera ki muzika ou kultura di Cabo Verde sata ser “Jenetikamenti Modifiku”?

Nos armonia i variedadis muzikal e bastanti riku i diversifikadu, nu ten Funana, Morna, Batuque, Talaia-Baixu, Kola San Jon, Koladera, Tabanka etc. Sera ki oji en dia nos e kapaz di riproduzi novus Manel d’Novas, Nacia Gomi, Bibinha Cabral, Orlando Pantera, Norberto Tavares, Balantin, Ildo Lobo, Cesaria Evora, Carlos “Katchas” Martins, Bana, B.Leza, Luis Rendall, Code di Dona, Bius, etc.?

Txeu des nunca risebi un premiu di midjor artista o konpositor, mas enfin, kontribuison kes dexa pa muzika di Cabo Verde e algu memoravel i nobri pa nos identidadi, komu tanbe nu ten ki enaltesi ku onra tudu kes ki sta vivu i ki ta preocupa rialmenti ku kultura di CV.

Dentu di kultura muzikal di Cavo Verde ten txeu oportunistas ki sta ta polui “aspetu genetiku”di nos muzika ku falsus patriotismu kultural, sima rifiri Frantz Fanon un autentiku “terrorismo cultural”.

Funana dja perdi se aspetu interventivu ke tinha i dja torna na un autentiku apelu ao sexu i difamason di imajen feminimu, sera ki poi mudjer ta rabola na vídeo-clips e ka un forma di “violência domestica” pamo e na nos kaza ki kes videos ta ba ser riproduzidu na ekran di TV o PC, ka mesti nen analiza kes otus tipus di jenerus muzikal... Sera ki risebi un premiu ta kualifika un pessoa ao nivel di ser un genuinu na kultura di Cabo Verde? Afinal, kuze ki sta pasa ku nos kultura muzikal? fonte:Jornal Ritmos E Poesias

comenta...