Stória di un Mudjer ki foi violada mais di 43 mil bes...

Trafico humano ê hoje un prublema mundial, e ta afeta milhons di mudjer, di crianças y adolescentes un poku na mundo intero.

Stória di es mexicana ki foi violada + di 43 mil bes també ta inspira

De escrava sexual a ativista internacional...
Karla Jacinto ê un joven mexicana di 23 ano, ê un ativista ruspetada na luta kontra tráfico di pessoas, dja ê discursa na Congreso di Merka y dja ê foi recebida pa Papa Francisco (odja foto na kumentario).
Storia di Karla kumesa kuandu e tinha 12 ano. Nascida nun cidadezinha na centro di Mexico (Tenancingo) y kriadu nun familia disfuncional y sujeitu a mau-tratu, Karla ka ezita kuanda un rapaz 10 anu + bedju prumetel “fazel si princeza”. Foi principio di un stória dramatico ki dura anos. Karla foi xplorada pa proxenetas y predadores sexual ti limite di si força.

Dipos es lebal pa un otu cidades. La Karla foi obrigadu a bendi si corpo 7 dia por semana, di 10 hora di parmanhan ti meia noite. 30 homi por dia, durante 4 ano. Alguns ê fla ma ta riba del pamodi ê ta txoraba. Na si kalculo ê fla ma e foi violada 43.200 bes dipos ki ê kai na mon di proxenetas ( numero foi konfirmadu pa agencias ki ta luta kontra trafico humano)

Karla fica conxidu principalmenti dipos ki ê da un entrevista ano passado na CNN. Ê konta ma ê sufri abuzu, ti di policia ki ta exigiba el dinhero. E recebi golpes y queimaduras y ku 15 ano ê fica gravida. Fidju es tomal logo ki naci, so e ben odjal + di un ano dipos.

Karla foi resgatada na 2006 durante un operason kontra tráfico di brancas na Cidade de Mexico. Desdi enton ê ka discansa, sempri ta konta si storia, sempri ta pidi pa tomadu medidas kontra es traficantes di ser humano ki ka ten piedade nen di crianças.

Trafico humano ê hoje un prublema mundial, e ta afeta milhons di mudjer, di crianças y adolescentes un poku na mundo intero. Alguns ta dizisti di luta y ta aceita ses “distino”. Otus simplismenti ta dizisti di vivi, mas ten txeu ki tambe ta luta y ta konsigui sai di es dezespero. Mas por vergonha ou por falta di koragen es ê poku ki ta kre konta ses storia. Karla Jacinto nau. Karla kré pa tudo alguén fica ta sabi pa ki un dia storia sima di sel dexa di kontici. Ê kre pa governos toma medida kontra es negociantes di carne humano ki ta distrui vida y familias.