USA: Joven kriolu mortu a tiro pa mudjer-Policia

Si nome ê Dominique Silva, ê tinha 24 ano y era sobrinho di Ju Sança, conhecido cantor cabo-verdiano na Merka.

Merka/Pawtucket
JOVEN KRIOLU MORTU A TIRO PA MUDJER-POLICIA…
Si nome ê Dominique Silva, ê tinha 24 ano y era sobrinho di Ju Sança, conhecido cantor cabo-verdiano na Merka.
Dominique foi mortu a tiro kinta-fera passadu durante un “envolvimento” ku un mudjer -policia na Kenyon Avenue , na cidade di Pawtucket, na estado di Rhode Island.
Segundo informason divulgadu pa departamento di Policia di Pawtucket tudu kontici kuandu mudjer-policia Julianne Borsari txomadu pa bai investiga un possivel krimi ku envolvimentu di droga na Kenyon Avenue. Era por volta di 5.40 h di tarde ( Aparentimenti Dominique tenta rouba pessoa ki sta kumpraba droga).

Pa investiga cazu policia Julianne Borsari aproxima di un ki kes jovens ki staba envolvidu na “prublema” ( + tardi identificadu como Dominique Silva). Foi enton ki, di acordu ku relatório di policia, Dominique aponta arma pa es policia y sai ta korri. Policia tocal dianti. Dominique + un bes apontal arma. Foi nes pontu ki policia abri fogu y atingil. Dominique lebadu pa hospital undi ê foi declararu mortu.

Kel li ê verson oficial di Departamento di Policia di Pawtucket.
Autora di disparo, Julianne Borsari, ê veterana di exército y dja ten 2 ano ki ê sta trabadja como policia na Pawtucket. Sima protocolo ta manda na cazu di envolvimento di policia na tiroteios Julianne foi suspensu admnistrativamenti enkuantu Policia Estatal, detetives di Policia di Pawtucket y Procuradoria Geral sta investiga cazu.

TESTEMUNHAS...
Aparentimenti tevi testemunhas ki fla ma Dominique tinha “algun tipo “ d’arma na mon , mas es ka sabi fla si era arma di verdade ou si era pistola di “brincadera”. També tevi un testemunha ki filma cena logu dipos di tiroteio. Policia ka divulga imagens pamodi si conteudo grafico , mas es fla ma ê ta mostra es policia ku arma baxadu sakedu djuntu di corpo di Dominique. Tambe ka fladu kantu tiro ki ê dispara, mas testemunhas ta fla ma es konta 6 disparos. fonte:ok