Opinion di un militar sobre atentado di Monte Txota: "Foi bem planiadu e ben executadu"

Pa Silvio, militar na Exército Norte-Americano y antigo militar na Cabo Verde atentado ki tra vida di 11 pessoas es tersa-fera na cazerna di Monte Txota foi un ataque ben planiadu.

Opinion di un militar sobre atentado di Monte Txota
“ATAQUE FOI BEN PLANIADU E BEN EXECUTADU...”
Ka foi un incidente.
Pa Silvio Semedo, militar na Exército Norte-Americano y antigo militar na Cabo Verde atentado ki tra vida di 11 pessoas es tersa-fera na cazerna di Monte Txota foi un ataque ben planiadu.Y ê ta xplica pamodi:

“Talvez nen n”ka devia flaba nada , mas a-mi como militar ki dja passa pa Monte Txota nes mesmo serviço de destacamento y ku mas algun experiencia ki n’ten na área di invistigason criminal n’ta pensa ma ê impossivel ki un unico soldado mata tudu es 11 pessoas.
Na nha vizon kel la foi un ataque ben planiadu y ben executadu.
N’ta pusta ma ten pessoal di alto nivel pa si tras : Ou é narcotrafico ou é terrorista, mas n’ta acredita ma ê sta maz ligadu a tráfico di droga di ki a terrorismo, sõ ki pa nos governo y pa nos entidades competentes ta ficaz mutu maz facil si es fla ma foi un soldado ki fazel. Es soldado li ou ê ta atxadu morto ou es ta matal, a-si ta podu ponto final nes storia. “

Silvio Semedo ten 27 ano, ê di Santa Catarina, ilha di Santiago y atualmenti el ê soldado di primera classe (Private First Class) na US Army . fonte:ok