Situaçon di Studantes Caboverdianos dipos di terremoto na Ecuador

Alguns di es jovens cabo-verdianos perdi ses apartamento kuandu edificios desmorona na cidade de Manta ki foi particularmenti afetadu pa terramoto

Dipos di terramoto na Ecuador
STUDANTES CABO-VERDIANOS DJA DA NOTICIA...
Y felizmenti es sta tudo ben di saude, ninhun ka sufri ferimentos mas di susto es fla ma nunca + es ka ta squeci.

Alguns di es jovens cabo-verdianos perdi ses apartamento kuandu edificios desmorona na cidade de Manta ki foi particularmenti afetadu pa terramoto di sabado passado ki provoca + di 500 mortos y 2 mil feridos na Ecuador.
Mas es jovens cabo-verdianos ki perdi apartamento na terramoto ka sta dezalojadu. Segundo un des studantes kontactadu pa Onda Kriolu familias ecuatorianas (“un povo mut dret”) abri porta di ses caza pa recebez y daz tudo apoio.

Mas es jovens cabo-verdianos tambe ka sta paradu. Kes ki sta studa medicina sta da apoio na hospital nun mumento particularmenti komplicadu pa povu di Ecuador. Ses maior prublema nes mumento e falta de medicamentos pa trata cerca di 2 mil feridos. Uns 100 mil pessoas sta mesti assistencia y 5 mil sta dezalojadus.

Segundo es studante kontactadu pa OK houve zonas ki fica totalmente distruido. Ten otus sudantes cabo-verdianos ki ta studa na cidade de Machala mas la sismo di sabado passadu ka provaca danos.
Na Ecuador ta studa 18 jovens cabo-verdianos. fonte:ok