CaboVerdiana ki ta vive na Spanha fla ma si maior orgulho é educason ki é da pa si fidjus

Pa Santinha ki sempri trabadja “no duro” na limpeza ka foi facil educa si fidjus, ku txeu obstaculos y dificuldades.

Kriolus pelo Mundo
SANTINHA DJA TEN 25 ANO NA SPANHA Y SI MAIOR ORGULHO Ê EDUCASON KI Ê DA PA SI FIDJUS...
Pamodi ê fla ma educason ê txabi ki ta abri tudu porta, un educason ki també ê fla ma si ê ficaba na Cabo Verde provavelmenti ê ka ta tinha possibilidade di da si fidjus.
Santinha Gomes Pereira ten 53 ano di idade, 25 ê passal na Spanha, + precizamenti na cidade de Burela, na Andaluzia, undi por sinal ta vivi txeu cabo-verdianos.

Sima txeu otu kriolas Santinha dexa si terra y si familia pa bai djobi na strangeru un futuro + bunitu pa si fidjus (2 naci na Cabo Verde y 2 naci na Spanha).

Pa Santinha “foi duro dexa si rubera” mas hoje ê fla ma ê sta kontenti pamodi ê considji si objetivo ki era da un educason pa tudu si 4 fidjus, 2 matxu ku 2 fêmia.
Fidju -fémia é Marly ku Josefa.

Marly teni 23 ano y ê sta kuazi ta termina cursu di Quimica na universidade di Salamansa.
Josefa, 26 ano, ten també formason universitária y goci ê sta trabadja pa djunta dinheru pa fazi un mestrado na Criminologia.

Fidju matxu ê Claudio ku Miguel.
Claudio teni 32 ano y ê trabadja na hotelaria. Miguel inda sta studa na Instituto Superior de Desportos.

Pa Santinha ki sempri trabadja “no duro” na limpeza ka foi facil educa si fidjus, ku txeu obstaculos y dificuldades. Mas hoje ê sta + discansada, até ê bai anu passadu pa Cabo Verde mata sodadi... Ê ki apezar di 25 ano na strangeru Santinha nunca ka squeci di si raiz, di si batuku ku si txabeta ki pa undi ki é bai ê ta difendi ku panu marradu na cintura.
Mudjer sima Santinha ta mereci tudu nos ruspetu. fonte:ok