Futebolista internacional Cabo-verdiano inocentadu na Inglaterra di crimes di violason

Pa Cabral foi un vitória, mas un vitoria ku sabor amargo pamodi acuzason di es menina mancha si reputason.

Futebolista internacional cabo-verdiano inocentadu na Inglaterra di crimes di violason
“MININA SO KREBA DISTRUI NHA VIDA “...
Na Inglaterra ê mutu facil pa un mudjer acuza un homi di violason sexual y straga si reputason . Kel li ê opinion di futebolista cabo-verdiano Adilson Tavares Varela, + konxidu pa Adilson Cabral, ki foi es semana inocentadu di 2 crimes di violason sexual pa un Tribunal di Inglaterra.
Ki fazi es quexa foi un menina di 22 ano ki fla ma na Janeiro di 2015 Cabral violal 2 bes nun “afer-party” na apartamento di es futebolista na centro di Newcastle ( na altura Cabral era jugador di es equipa di Premier League).
Cabral sempri fla ma ê ka forsa minina, ma sexo foi konsentidu. Tribunal acredita nel y jury , dipos di odja videos di es menina ta “envolvi sexualmenti” ku + 2 otu jugador di Newcastle, jury ilibal di tudu crime.

Pa Cabral foi un vitória, mas un vitoria ku sabor amargo pamodi acuzason di es menina mancha si reputason. Embora fica provadu ma el ê inocente txeu alguén fica ta pensa ma el ê un violador, sen konta ku dor ki ê cauza na si familia y prejuizu na si carrera.
Pa Cabral odjectivo di es menina era straga si imagen, era distruil si vida y si reputason. Y e fla ma enkuantu ê sta lutaba na Tribunal y na “medias” kontra es kalúnia es menina kontinua sempri na si boa vida, sempri na parodia, na festas, na bebida.... Cabral fla ma ten ki djobedu es situason pamodi ê “mutu facil” un mudjer fla ma un homi violal sexualmenti. Mesmo si ben fica provadu ma ê mintira danos al-ves e irreparável , sima na si cazu ki dipos di sai pa publico ê foi suspensu di tudu jogos y treinos di si atual equipa ( FC Zurich, di Suiça). fonte:ok